Şahin Camalov – Sunucu Gazetesi

Dövlət Komitəsinin və ADDF-nin əməkdaşları Türkiyənin Baş Ombudsmanı ilə görüşüb

Abdullah Yiğit — Mon, 13 May 2024 19:37:11 +0000

Dövlət Komitəsinin və ADDF-nin əməkdaşları Türkiyənin Baş Ombudsmanı ilə görüşüb

2024

Dövlət Komitəsinin və ADDF-nin əməkdaşları Türkiyənin Baş Ombudsmanı ilə görüşüb

Diasporla İş üzrə Dövlət Komitəsinin və Azərbaycan Diasporuna Dəstək Fondunun əməkdaşları Ankara şəhərinə səfəri çərçivəsində rəsmi görüşlərini davam etdirib.

Diasporla İş üzrə Dövlət Komitəsinin Aparat rəhbərinin müavini Adil Hüseynov, şöbə müdirinin müavini Kənan Məmmədov, Azərbaycan Diaaporuna Dəstək Fonfunun icraçı direktoru Əkrəm Abdullayev və direktor müavini Şahin Camalov Türkiyə Respublikasının Baş Ombudsmanı Şərəf Malkoçla görüşüb.

Azərbaycan nümayəndə heyətini salamlamaqdan məmnunluğunu ifadə edən Ş.Malkoç Azərbaycanla Türkiyə arasındakı qardaşlıqdan strateji müttəfiqliyə qədər yüksələn əlaqələrə toxunub. Qeyd edib ki, iki qardaş ölkənin müvafiq qurumları arasında müvafiq sahələrdə əməkdaşlıq yüksələn xətlə inkişaf edir. Azərbaycan Diasporuna Dəstək Fondu ilə Türk Dünyası Mediatorlar Birliyi arasında imzalanmış Əməkdaşlıq Protokuluna toxunan Ombusdman sənəddə vacib məsələlərin əks olunduğunu deyərək, onların həllinə dəstək göstəriləcəyini bildirib.

Səmi qəbul üçün təşəkkürünü bildirən Adil Hüseynov nümayəndə heyətinin Ankara şəhərinə səfərinin əsas məqsədinə toxunaraq, 1990-cı illərdən etibarən Türkiyə Respublikasına miqrasiya etmiş və hazırda Türkiyə Respublikasında hüquqi statusu olmadan yaşayan Azərbaycan Respublikasının vətəndaşı olması ehtimal olunan şəxslərin, o cümlədən onların Türkiyə ərazisində anadan olmuş ailə üzvlərinin və digər azərbaycanlıların problemlərinin həlli ilə bağlı Türkiyənin müvafiq qurumlarda görüşlər keçirdiklərini diqqətə çatdırıb.

Görüşdə Türkiyədə uzun illır sənədsiz mühitdə yaşayan həmin əhali qrupunun məşğulluq, sosial müdafiə, səhiyyə, tibbi sığorta, təhsil və digər hüquqlarının təmin olunması sahəsində üzləşdiyi problemlər və onların həlli yolları ətrafında fikir mübadiləsi aparılıb.

Sonda xatirə hədiyyələri təqdim edilib.

Azərbaycan nümayəndə heyəti daha sonra Türk Əməkdaşlıq və Koordinasiya Agentliyində (TİKA) görüş keçirib.

Görüşlərdə Türkiyə-Azərbaycan Dərnəkləri Federaaiyası rəhbərinin müşaviri Pərviz Məmmədzadə, Türk Dünyası Mediatorlar Birliyinin sədri, vəkil, mediator Yakup Erikel və birliyin İdarə Heyətinin üzvləri də iştirak edib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/dovlet-komitesinin-ve-addf-nin-emekdaslari-turkiyenin-bas-ombudsmani-ile-gorusub-4671

Komitənin nümayəndə heyəti Kahramanmaraşda salınan Azərbaycan məhəlləsində olub

Abdullah Yiğit — Tue, 12 Dec 2023 19:42:00 +0000

Komitənin nümayəndə heyəti Kahramanmaraşda salınan Azərbaycan məhəlləsində olub

12 dekabr, 2023

Komitənin nümayəndə heyəti Kahramanmaraşda salınan Azərbaycan məhəlləsində olub

Türkiyədə səfərdə olan Diasporla İş üzrə Dövlət Komitəsinin sədrinin birinci müavini müavini Valeh Hacıyev Kahramanmaraş Böyükşəhər Bələdiyyəsinin sədri Hayrettin Güngörlə görüşüb.

Azərbaycan Diasporuna Dəstək Fondunun (ADDF) icraçı direktoru Əkrəm Abdullayevin və fondun icraçı direktor müavini Şahin Camalovun da iştirak etdiyi görüşdə çıxış edən Valeh Hacıyev səmimi qəbula görə bələdiyyə sədrinə öz təşəkkür edib, Azərbaycan Respublikası ilə Türkiyə Respublikası arasındakı qardaşlıq və dostluq münasibətlərinin strateji müttəfiqlik səviyyəsinə yüksəlməsindən məmnunluğunu bildirib. Kahramanmaraşa növbəti dəfə zəlzələdən zərərçəkənlərə humanitar yardım çatdırmaq üçün gəldiklərini deyən Valeh Hacıyev Azərbaycan xalqınınhəmişə türkiyəli qardaşlarının yanında olduqlarını vurğulayıb.

Hayrettin Güngör hər zaman göstərdikləri dəstəyə görə Azərbaycan xalqına, Prezident İlham Əliyevə və Birinci vitse-prezident Mehriban xanım Əliyevaya Türkiyə xalqı adından təşəkkürünü bildirib və zəlzələdən zərərçəkmiş insanlara diqqət və qayğısını yüksək qiymətləndirib. Bələdiyyə sədri Kahramanmaraşda Azərbaycan Respublikasının dəstəyi ilə salınan Azərbaycan məhəlləsində görülmüş və bundan sonra da görüləcək işlər haqqında məlumat verib, ən qısa zamanda Kahramanmaraşın dirçəlməsində Azərbaycanın rolunu yüksək dəyərləndirib.

Nümayəndə heyəti Azərbaycan Respublikasının dəstəyi ilə Kahramanmaraşda tikilən Azərbaycan məhəlləsinə də baxış keçirib, görülən işlərlə yaxından tanış olub. Tikintiyə rəhbərlik edən səlahiyyətli şəxslər görülən işlər barədə məlumat verib, Azərbaycan Respublikasına göstərdiyi dəstəyə görə öz təşəkkürlərini bildiriblər.

Qeyd edək ki, ADDF tərəfindən göndərilən yardımlar Azərbaycan Respublikasının Prezidenti cənab İlham Əliyevin tapşırığına uyğun olaraq, Türkiyə Respublikasında baş vermiş güclü zəlzələnin fəsadlarının aradan qaldırılması, zəlzələdən zərərçəkənlərin həyatlarının yüngülləşdirilməsi və ehtiyaclarının ödənilməsi məqsədilə dövlətimizin həyata keçirdiyi uzunmüddətli kampaniyanın tərkib hissəsidir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komitenin-numayende-heyeti-kahramanmarasda-salinan-azerbaycan-mehellesinde-olub-3932

Tbilisidə keçirilən beynəlxalq moda nümayişində azərbaycanlı dizaynerin “Çinar” kolleksiyası təqdim olunub

Abdullah Yiğit — Sat, 27 May 2023 02:57:58 +0000

Tbilisidə keçirilən beynəlxalq moda nümayişində azərbaycanlı dizaynerin “Çinar” kolleksiyası təqdim olunub

2023
Tbilisidə keçirilən beynəlxalq moda nümayişində azərbaycanlı dizaynerin “Çinar” kolleksiyası təqdim olunub

Gürcüstanın paytaxtı Tbilisi şəhərində Badri Patarkatsişvilinin məşhur Mərasimlər Sarayında genişmiqyaslı “Metrica Fashion Show” beynəlxalq moda nümayişində ulu öndər Heydər Əliyevə həsr olunmuş “Çinar” kolleksiyası təqdim olunub.

Azərbaycan Diasporuna Dəstək Fondunun (Fond) maliyyə dəstəyi, Alyans Gənclər Mərkəzinin (AGM) təşkilatçılığı ilə ərsəyə gələn kolleksiya üçün Azərbaycan milli ornamentlərini müasir qadın geyimlərində istifadə edən azərbaycanlı dizayner Laura Qasımova 20 geyim hazırlayıb. Azərbaycanın milli musiqi sədaları altında xarici modellərin yer aldığı nümayişdə ümumilikdə 15 ölkədən dizaynerlər, 40-dan çox brend təmsil olunub.

İki gün davam edən əsrarəngiz şouda dizaynerlərlərlə yanaşı, bloggerlər, moda jurnalları və televiziya redaktorları, siyasətçilər, iş adamları, məşhur musiqiçilər, Avropa, Asiya, Gürcüstandan olan rəssamlar və fotoqraflar bir platformada toplaşıb.

Tədbirdə geyimlərin, aksesuarların, zərgərlik brendlərinin, eləcə də rəssamların rəsm əsərlərinin sərgisi və satışı keçirilib.

Azərbaycan Diasporuna Dəstək Fondunun icraçı direktorunun müavini Şahin Camalov tədbirin əhəmiyyətindən danışaraq, Azərbaycanın tanıdılması, mədəniyyətimizin beynəlxalq arenada layiqincə təmsil olunduğu mühüm tədbirlərin maliyyələşdirilməsinin Fond üçün prioritet olduğunu qeyd edib. O, yüzlərlə modelyer və dizaynerin, moda jurnalının iştirak etdiyi moda şouda təmsilçimizin ən çox diqqət görən kolleksiyalardan biri olduğunu vurğulayıb.

AGM-nin sədri Leyla Əmrahova qeyd edib ki, kolleksiya bir aya hazırlanıb. Geyimlər əl işləri ilə zəngindir. Həmçinin buta və gerb təsviri olan geyimlər böyük marağa səbəb olmaqla yanaşı, milli mədəniyyətimizin təbliği istiqamətində mühüm addım olub.

“Laura Layn” markasının yaradıcısı dizayner Laura Qasımova isə bir çox xarici ölkələrdən iş təklifləri aldığını qeyd edib, Azərbaycanın xaricdə layiqli təmsil olunması üçün əlindən gələni əsirgəməyəcəyini vurğulayıb.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

Kaynak:https://diaspor.gov.az/az/news-detail/tbiliside-kecirilen-beynelxalq-moda-numayisinde-azerbaycanli-dizaynerin-cinar-kolleksiyasi-teqdim-olunub-2998