konsertlə – Sunucu Gazetesi

Nyu-Yorkda Qara Qarayevin 105 illiyi təntənəli konsertlə qeyd edilib

Abdullah Yiğit — Tue, 27 Jun 2023 12:23:29 +0000

Nyu-Yorkda Qara Qarayevin 105 illiyi təntənəli konsertlə qeyd edilib
, 2023

Nyu-Yorkda Qara Qarayevin 105 illiyi təntənəli konsertlə qeyd edilib

ABŞ-ın Nyu-York şəhərində yerləşən məşhur “Carnegie Hall”-un Zankel zalında Azərbaycanın dahi bəstəkarı Qara Qarayevin anadan olmasının 105 illiyinə həsr olunmuş təntənəli konsert keçirilib.

Nyu-Yorkda fəaliyyət göstərən Milli Musiqi və Qlobal Mədəniyyət Cəmiyyətinin təşkilatçılığı ilə baş tutan konsertə müxtəlif ölkələrin BMT yanında daimi nümayəndəliklərinin diplomatları, yerli musiqisevərlər qatılıblar.

Konserti Azərbaycanın əməkdar artisti, pianoçu, professor Nərgiz Əliyarova açaraq, Qara Qarayevin həyat və yaradıcılığı haqqında tamaşaçılara maraqlı məlumatlar verib. Sonra Nərgiz Əliyarova musiqiçi həmkarı – ABŞ-ın görkəmli skripkaçısı Melissa Vaytla birlikdə Qara Qarayevin skripka və fortepiano üçün sonatasını və “7 Gözəl” baletindən “Adajio”nu yüksək professionallıqla ifa ediblər. Azərbaycanlı pianoçunun ifasında Qara Qarayevin fortepiano üçün yazdığı prelüdlər də təqdim olunub.

Konsert gecəsi Johannes Brams, Edvard Qriq və Frederik Şopenin əsərlərinin ifası ilə davam edib.

Azərbaycan mədəniyyətinin təbliği baxımından böyük əhəmiyyət kəsb edən konsertin sonunda bütün zal ifaçıları ayaq üstə alqışlayıb.

Qeyd edək ki, bu layihəyə digər sponsorlarla yanaşı, Diasporla iş üzrə Dövlət Komitəsi dəstək göstərib.

Xatırladaq ki, “Carnegie Hall”-un 599 yerlik Zankel zalı 2003-cü ildə açılıb və Nyu-Yorkun ən məşhur məkanlarından birinə çevrilib. Bu zalda klassik, pop və caz musiqisi ifaçıları çıxış edirlər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/nyu-yorkda-qara-qarayevin-105-illiyi-tenteneli-konsertle-qeyd-edilib-3171

Barselonada Heydər Əliyevin 100 illiyi təntənəli konsertlə qeyd edilib

Abdullah Yiğit — Sat, 13 May 2023 10:31:53 +0000

Barselonada Heydər Əliyevin 100 illiyi təntənəli konsertlə qeyd edilib
, 2023
Barselonada Heydər Əliyevin 100 illiyi təntənəli konsertlə qeyd edilib

İspaniyanın Barselona şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş təntənəli konsert keçirilib.

“Barselonadakı Azərbaycanlılar Cəmiyyəti” və Barselona Azərbaycan Evinin təşkilatçılığı ilə baş tutan konsertdə ispaniyalı siyasətçilər, iş adamları, media mənsubları, Barselonada yaşayan soydaşlarımız və yerli ictimaiyyətin nümayəndələri iştirak ediblər.

Tədbir dahi şəxsiyyət Heydər Əliyevin həyat və fəaliyyətini əks etdirən sənədli filmin nümayişi ilə başlayıb.

Konsert öncəsi çıxış edən Slovakiyanın Barselonadakı fəxri konsulu, ölkəmizin yaxın dostu Havyer Medina Ortiz böyük öndər Heydər Əliyevi “qəlbi daim Vətən eşqi ilə döyünən, bütün varlığı ilə xalqına bağlı olan, respublikanı zamanın çətin sınaqlarından yüksək məharətlə çıxaran, ən düzgün çıxış yolu tapan müdrik və uzaqgörən lider” adlandırıb.

Konsertdə “Kataloniya Cambra Orkestri”, tanınmış azərbaycanlı opera ifaçısı, “Milano Music Master School” musiqi akademiyasının professoru Çinarə Şirin və müxtəlif rəqs qrupları çıxış ediblər. Onların ifasında italyan, ispan və Azərbaycan musiqisi təqdim olunub, iki ölkənin milli rəqsləri nümayiş etdirilib.

Böyük maraqla qarşılanan konsertin sonunda çıxış edən “Barselonadakı Azərbaycanlılar Cəmiyyəti”nin sədri və Barselona Azərbaycan Evinin rəhbəri Kərim Kərimov tədbir iştirakçılarına və musiqiçilərə minnətdarlığını bildirib.

Qeyd edək ki, tədbir iştirakçılarına paylanılan konsert proqramında Heydər Əliyevin həyat və fəaliyyəti barədə məlumat əks olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/barselonada-heyder-eliyevin-100-illiyi-tenteneli-konsertle-qeyd-edilib-2934

Belqradda Serbiya-Azərbaycan diplomatik əlaqələrinin 25 illiyi konsertlə qeyd olunub

Abdullah Yiğit — Fri, 16 Dec 2022 13:37:32 +0000

Belqradda Serbiya-Azərbaycan diplomatik əlaqələrinin 25 illiyi konsertlə qeyd olunub
15 dekabr, 2022

Belqradda Serbiya-Azərbaycan diplomatik əlaqələrinin 25 illiyi konsertlə qeyd olunub
Belqrad şəhərindəki “Madlenianum” Opera Teatrında Azərbaycanla Serbiya arasında diplomatik münasibətlərin qurulmasının 25 illiyinə həsr olunmuş konsert keçirilib.

Azərbaycanın Serbiyadakı səfirliyinin və Serbiyadakı Azərbaycan Mədəniyyət Mərkəzinin təşkilatçılığı ilə baş tutan konsertdə dövlət rəsmiləri, mədəniyyət xadimləri, Serbiyada yaşayan və təhsil alan azərbaycanlılar iştirak ediblər.

Qonaqları salamlayan Azərbaycanın Serbiyadakı sədiri Kamil Xasıyev bildirib ki, ötən 25 ildə ölkələrimiz arasında münasibətlər strateji tərəfdaşlıq səviyyəsinə yüksəlib və Serbiya Azərbaycanla strateji tərəfdaşlıq münasibətlərinin qurulması haqqında sənəd imzalayan 12 Avropa ölkəsindən biridir. Bu münasibətlərin Azərbaycan və Serbiya dövlət

başçılarının siyasi iradəsi və ardıcıl səyləri ilə mövcud olduğuna diqqət cəlb edilib. Ötən ay Azərbaycan Prezidenti İlham Əliyevin Serbiyaya rəsmi səfərini xatırladan səfir qeyd edib ki, dövlət başçımızın Serbiya Prezidenti Aleksandar Vuçiçlə imzaladığı birgə Bəyanat, iki ölkə arasında Strateji Tərəfdaşlıq Şurasının yaradılmasına dair Memorandum və Şuranın Əsasnaməsi, habelə müxtəlif sahələrdə imzalanan əməkdaşlıq sənədləri əlaqələrimizin yüksələn xətlə inkişafında mühüm əhəmiyyət kəsb edir.

Sonra konsertdə Azərbaycan və Serbiya sənətkarları – Müslüm Maqomayev adına Dövlət Filarmoniya Teatrının və Fikrət Əmirov adına Azərbaycan Dövlət Mahnı və Rəqs Ansamblının solistləri Elnur Süleymanov və Günel Allahyarova, beynəlxalq müsabiqələr laureatı pianoçu Fəqan Həsənli, “Milli Teatrın Möhürü” mükafatının laureatı Jasmina Trumbetaş, dirijor Dzordze Stankoviç, skripka ifaçısı Marko Yosifoski, yerli və beynəlxalq müsabiqələr laureatı pianoçu Mina Ristiç və BRAS Belqrad musiqi ansamblı çıxış ediblər.

Elnur Süleymanovla Günel Allahyarovanın milli geyimlərimizdə “Uzundərə”, “Naz eləmə”, “Sarı gəlin” rəqslərimizi ifa etməsi, səhnədəki iri monitorda Azərbaycanın mədəni irsinin, Qarabağın, Şuşanın, Bakının görüntülərinin və fotolarının nümayiş etdirilməsi tamaşaçılarda maraq və rəğbət doğurub.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/belqradda-serbiya-azerbaycan-diplomatik-elaqelerinin-25-illiyi-konsertle-qeyd-olunub-2072