görüş – Sunucu Gazetesi https://sunucugazetesi.com Fri, 07 Feb 2025 03:39:33 +0000 tr hourly 1 Qahirə Beynəlxalq Kitab Sərgisində azərbaycanlı alimlə görüş keçirilib https://sunucugazetesi.com/qahir%c9%99-beyn%c9%99lxalq-kitab-s%c9%99rgisind%c9%99-az%c9%99rbaycanli-aliml%c9%99-gorus-kecirilib-h65021.html https://sunucugazetesi.com/qahir%c9%99-beyn%c9%99lxalq-kitab-s%c9%99rgisind%c9%99-az%c9%99rbaycanli-aliml%c9%99-gorus-kecirilib-h65021.html#respond Fri, 07 Feb 2025 03:39:33 +0000 https://gazetegazetesi.com/qahir%c9%99-beyn%c9%99lxalq-kitab-s%c9%99rgisind%c9%99-az%c9%99rbaycanli-aliml%c9%99-gorus-kecirilib-h101337.html Qahirə Beynəlxalq Kitab Sərgisində azərbaycanlı alimlə görüş keçirilib

2025

Qahirə Beynəlxalq Kitab Sərgisində azərbaycanlı alimlə görüş keçirilib

 

https://x.com/DiasporaAz/status/1887485782933352635

 

Qahirə Beynəlxalq Kitab Sərgisində Misir-Azərbaycan Dostluq Cəmiyyətinin sədri, tədqiqatçı-alim Seymur Nəsirovla görüş keçirilib.

 

https://x.com/DiasporaAz/status/1887485782933352635

 

 

Misirin Vəqflər Nazirliyi tərəfindən təşkil olunan görüşdə yüksək vəzifəli şəxslər, elm xadimləri və Misirdə təhsil alan xarici tələbələr iştirak edib.

 

https://x.com/DiasporaAz/status/1887485782933352635

 

Tədbir iştirakçılarını salamlayan İslam İşləri üzrə Ali Şuranın baş katibi professor Məhəmməd əl-Bəyyumi Seymur Nəsirovun elmi, ictimai və mədəni fəaliyyətləri barədə məlumat verib, Misir ictimaiyyəti tərəfindən yüksək qiymətləndirildiyini və Misirdə təhsil alan tələbələr üçün böyük bir nümunə olduğunu qeyd edib.

 

https://x.com/DiasporaAz/status/1887485782933352635

 

Seymur Nəsirov fəaliyyəti haqqında bəhs edərkən Azərbaycanla Misir arasında tarixi və mədəni əlaqələrdən geniş söhbət açıb. Azərbaycanlıların Misirin inkişafına verdiyi töhfələrdən bəhs edən tədqiqatçı-alim Misiri işğaldan azad edən Səlahəddin Əyyubinin əslən azərbaycanlı olduğuna dair ərəb mənbələrinin yekdil fikirdə olduğunu qeyd edib. O, eyni zamanda Misirin baş həkimi Fəthullah ibn Nəfis və baş hakim Əfzələddin əl-Xoncinin əslən azərbaycanlı olduğunu iştirakçıların diqqətinə çatdırıb.

Seymur Nəsirov Misir-Azərbaycan Dostluq Cəmiyyətinin fəaliyyətindən də söz açaraq qeyd edib ki, cəmiyyətin fəaliyyətinin əsas məqsədi xalqlar arasında dostluğun möhkəmləndirilməsi, elm, mədəniyyət və din sahələrində əlaqələrin inkişafı, habelə tələbələrə sosial xidmətlərin göstərilməsidir. Burada Azərbaycan və ingilis dilləri, Qurani-Kərimin qiraətləri, ərəb dilinin qrammatikası və ədəbiyyat, bəlağət və məntiq elmi, xəttatlıq, dekorasiya, xalçaçılıq və muğam sənəti tədris olunur. Hazırda cəmiyyətin nəzdindəki kurslarda 59 ölkədən 600-dən çox gənc müxtəlif fənlər üzrə ödənişsiz təhsil alır.

Tədbir Misir mediası tərəfindən geniş işıqlandırılıb.

 

https://x.com/DiasporaAz/status/1887485782933352635

 

 

Qeyd edək ki, 1969-cu ildən keçirilən Qahirə sərgisi Yaxın Şərqin ən böyük kitab sərgisidir. Ötən il sərgini 5 milyona yaxın insan ziyarət edib. Sərgiyə 80 ölkədən 1300-dən artıq nəşriyyat qatılıb.

Foto qalereya

 

https://x.com/DiasporaAz/status/1887485782933352635

 

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/qahire-beynelxalq-kitab-sergisinde-azerbaycanli-alimle-gorus-kecirilib-5510

 

https://x.com/DiasporaAz/status/1887485782933352635

]]> https://sunucugazetesi.com/qahir%c9%99-beyn%c9%99lxalq-kitab-s%c9%99rgisind%c9%99-az%c9%99rbaycanli-aliml%c9%99-gorus-kecirilib-h65021.html/feed 0 Hamilton şəhərində Azərbaycanın Dövlət bayrağının qaldırılması mərasimi və icma ilə görüş keçirilib https://sunucugazetesi.com/hamilton-s%c9%99h%c9%99rind%c9%99-az%c9%99rbaycanin-dovl%c9%99t-bayraginin-qaldirilmasi-m%c9%99rasimi-v%c9%99-icma-il%c9%99-gorus-kecirilib-h58022.html Sun, 09 Jun 2024 12:25:17 +0000 https://1453kralmedya.com/hamilton-s%c9%99h%c9%99rind%c9%99-az%c9%99rbaycanin-dovl%c9%99t-bayraginin-qaldirilmasi-m%c9%99rasimi-v%c9%99-icma-il%c9%99-gorus-kecirilib-h58022.html

Hamilton şəhərində Azərbaycanın Dövlət bayrağının qaldırılması mərasimi və icma ilə görüş keçirilib
, 2024
Hamilton şəhərində Azərbaycanın Dövlət bayrağının qaldırılması mərasimi və icma ilə görüş keçirilib
Kanadanın Hamilton şəhərində 28 May – Müstəqillik Günü münasibətilə Azərbaycanın Dövlət bayrağının qaldırılması mərasimi keçirilib.

 

 

 

 

Hamilton Azərbaycan icmasının təşkilatçılığı ilə şəhərin “Siti Hol” mərkəzində baş tutan mərasimdə üçrəngli bayrağımız Azərbaycanın Dövlət Himninin sədaları altında səmaya ucaldılıb.

Soydaşlarımız Dövlət bayrağımızın fonunda xatirə şəkli çəkdiriblər.

Daha sonra Hamilton şəhərində ilk dəfə olaraq Azərbaycan icmasının nümayəndələri ilə görüş keçirilib.

Tədbir Azərbaycan və Kanadanın Dövlət himnlərinin səsləndirilməsi ilə başlayıb.

“Hamilton Azərbaycan İcması”nın rəhbəri Cəmilə Rüstəmova Şephard çıxışında 28 May – Müstəqillik Gününün tarixi önəmini qeyd edib.

Diasporla İş üzrə Dövlət Komitəsinin şöbə müdiri Səlhət Abbasova müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından danışıb və Komitənin həyata keçirdiyi layihələr haqqında ətraflı məlumat verib. O, yeni yaradılan “Hamilton Azərbaycan İcması” təşkilatına gələcək fəaliyyətində uğurlar arzu edib.

Kanada Azərbaycan Evinin icraçı direktoru, “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova öz çıxışında Azərbaycan Evində “Şəhər Günləri” layihəsinin üzərində iş getdiyini bildirib. Layihə baş tutduğu zaman Hamiltonda yaşayan Azərbaycan icmasını da “Hamilton Günü”ndə görməkdən məmnunluq duyacağını diqqətə çatdırıb.

Daha sonra Hamilton şəhərində əsası qoyulmuş “Azərbaycan dili” məktəbinin yaradıcısı Validə Quliyeva və məktəbin müəllimi Elmira Doquşeva, Hamilton icmasının üzvü Şəbnəm Sevinc çıxış edib, fəaliyyətləri haqqında məlumat verib, müxtəlif fikir və təkliflər səsləndiriblər.

Tədbir çərçivəsində məktəbin şagirdləri Səməd Vurğunun “Azərbaycan” şeirini söyləyiblər. 2024-cü ildə Hamilton Musiqi Festivalının qalibi Kayra Sevinc skripkada ona qələbə gətirən musiqini (“The Farmer’s Market”-“Fermerin bazarı”) ifa edib.

Tədbir “Yallı” rəqsinin ifası ilə başa çatıb.

FOTO QALEREYA

 

 

 

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/hamilton-seherinde-azerbaycanin-dovlet-bayraginin-qaldirilmasi-merasimi-ve-icma-ile-gorus-kecirilib-4824

 

]]> Recayna şəhərində Azərbaycan icması ilə görüş keçirilib https://sunucugazetesi.com/recayna-s%c9%99h%c9%99rind%c9%99-az%c9%99rbaycan-icmasi-il%c9%99-gorus-kecirilib-h58016.html Sun, 09 Jun 2024 08:20:06 +0000 https://1453kralmedya.com/recayna-s%c9%99h%c9%99rind%c9%99-az%c9%99rbaycan-icmasi-il%c9%99-gorus-kecirilib-h58016.html

Recayna şəhərində Azərbaycan icması ilə görüş keçirilib

, 2024

Recayna şəhərində Azərbaycan icması ilə görüş keçirilib

Kanadanın Saskatçevan vilayətinin Recayna şəhərində ilk dəfə olaraq Azərbaycan icması ilə görüş keçirilib.

Azərbaycan və Kanadanın Dövlət himnlərinin səsləndirilməsi ilə başlayan tədbiri “Recayna Azərbaycan Mədəniyyəti Assosiasiyası”nın rəhbəri Rəna Fərəcova açıq elan edib və rəhbəri olduğu təşkilat haqqında ətraflı məlumat verib.

 

 

 

 

Tədbirdə “Saskatçevanda Azərbaycan Birliyi” təşkilatının həmtəsisçiləri Ruhid Mirzəyev və Tural İsgəndərov da çıxış edərək təsisçisi olduqları təşkilatın fəaliyyət istiqamətləri haqqında danışıblar. Çıxışçılar 28 May – Müstəqillik Günü ərəfəsində görüşdükləri üçün məmnunluq duyduqlarını bildirib, Diasporla İş üzrə Dövlət Komitəsinə daim göstərdiyi diqqət və qayğıya görə təşəkkür ediblər.

Diasporla İş üzrə Dövlət Komitəsinin şöbə müdiri Səlhət Abbasova çıxışında Komitənin yaranma tarixi, fəaliyyəti və Azərbaycan diaspor hərəkatının genişlənməsi məqsədilə gerçəkləşdirilən layihələr, o cümlədən 1-7 avqust tarixlərində Laçında keçiriləcək Diaspor Gənclərinin V Yay Düşərgəsi haqqında ətraflı məlumat verib. Səlhət Abbasova həmçinin Saskatçevan vilayətində fərqli istiqamətlər üzrə fəaliyyət göstərən iki yeni diaspor təşkilatının mövcudluğunu təqdirəlayiq hal sayaraq təşkilatların bir-biri ilə koordinasiyalı şəkildə işləməsinin daha çox faydalı olacağını vurğulayıb.

Tədbir çərçivəsində Recayna icmasının azyaşlıları tərəfindən rəqs nömrələri nümayiş olunub və “Arşın Mal Alan” operettasından bir səhnə canlandırılıb.

Qeyd edək ki, 28 May – Müstəqillik Günü Saskatçevanda 2024-cü ildə geniş şəkildə qeyd edilib, bu münasibətilə Azərbaycan bayrağı vilayətin iki böyük şəhərində – Recayna və Saskatunda yüksəldilib, şəhərin rəsmiləri tərəfindən bəyannamələr imzalanıb, təbriklər ünvanlanıb.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/recayna-seherinde-azerbaycan-icmasi-ile-gorus-kecirilib-4825

 

]]> Moldovadakı Azərbaycan icması ilə görüş keçirilib https://sunucugazetesi.com/moldovadaki-az%c9%99rbaycan-icmasi-il%c9%99-gorus-kecirilib-h57776.html Thu, 30 May 2024 08:13:07 +0000 https://1453kralmedya.com/moldovadaki-az%c9%99rbaycan-icmasi-il%c9%99-gorus-kecirilib-h57776.html

Moldovadakı Azərbaycan icması ilə görüş keçirilib
2024
Moldovadakı Azərbaycan icması ilə görüş keçirilib

 

 

 

 

Moldovanın paytaxtı Kişineu şəhərində bu ölkədəki Azərbaycan icması ilə görüş keçirilib. Görüşdə Diasporla İş üzrə Dövlət Komitəsinin, Azərbaycanın Moldovadakı səfirliyinin nümayəndələri, Moldovadakı Azərbaycan icmasının üzvləri və ölkəmizə dost münasibəti bəsləyən diasporların təmsilçiləri iştirak edib.

Tədbir Azərbaycan və Moldovanın Dövlət himnlərinin səsləndirilməsi ilə başlayıb, daha sonra Azərbaycanın ərazi bütövlüyü və azadlığı uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Diasporla İş üzrə Dövlət Komitəsinin sədri Fuad Muradov 28 May – Müstəqillik Günündə belə bir görüşün keçirilməsinin rəmzi məna daşıdığını, artıq bütün dünyada azərbaycanlıların bir yumruq kimi birləşdiyini qeyd edib, komitənin gördüyü işlərdən danışıb, diqqəti Azərbaycan icmalarının birlik mexanizmlərinə, Koordinasiya Şuraları və Azərbaycan Evlərinin çoxşaxəli fəaliyyətinə cəlb edib.

Komitə sədri xaricdə yaşayan soydaşlarımızın öz fəaliyyətlərində Prezident İlham Əliyevin Dünya Azərbaycanlılarının Şuşada keçirilən V Qurultayında səsləndirdiyi tapşırıq və tövsiyələri əsas götürdüklərini və müasir platformalar üzərindən uğurlu layihələr həyata keçirdiklərini qeyd edib.

Azərbaycan Respublikasının Moldovadakı səfiri Ülvi Baxşəliyev ölkəmizin xaricdə təmsil olunmasında Azərbaycan diasporunun əvəzolunmaz rolundan danışıb, Moldovada fəaliyyət göstərən diaspor təşkilatlarının fəaliyyətini müsbət qiymətləndirdiyini və belə görüşlərin xaricdəki azərbaycanlıların həmrəyliyinin möhkəmlənməsinə töhfə olduğunu bildirib.

Sonra Moldova Azərbaycanlıları Konqresinin sədri Elçin Bayramovun görülən işlər barədə hesabatı dinlənilib, komitə ilə əməkdaşlıq çərçivəsində həyata keçirilən layihələr barədə məlumat verilib.

Çıxışlarda əsası Ümummilli Lider Heydər Əliyev tərəfindən qoyulan diaspor siyasətinin bu gün uğurla davam etdirilməsindən, diaspor-dövlət əlaqələrinin möhkəm təməllər üzərində inkişafından, eləcə də 28 May – Müstəqillik Gününün tarixindən və müasir Azərbaycanın inkişafından bəhs olunub.

Çıxış edənlər komitənin iri və uğurlu layihələrindən olan Diaspor Gənclərinin Yay Düşərgələrinə diqqət çəkib, gənclərin düşərgəyə böyük maraq göstərdiklərini və bu il düşərgənin Laçında təşkil olunmasının əhəmiyyətini qeyd ediblər.

Görüşün davamında Komitə adından Azərbaycanın təbliği işində göstərdikləri xidmətə görə Moldova Azərbaycanlıları Konqresinin bir neçə üzvünə təşəkkürnamələr təqdim olunub.

Görüş icma üzvlərinin diaspor fəaliyyətinin keyfiyyət göstəricilərinin artırılması, informasiya platformalarında fəallığı, diaspor hərəkatının hədəfləri və s. mövzularda qarşılıqlı fikir mübadiləsi ilə yekunlaşıb.

FOTO QALEREYA

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

Kaynak:https://diaspor.gov.az/az/news-detail/moldovadaki-azerbaycan-icmasi-ile-gorus-kecirilib-4737

 

]]> Komitədə tanınmış rəssam Rövşən Nur ilə görüş olub https://sunucugazetesi.com/komit%c9%99d%c9%99-taninmis-r%c9%99ssam-rovs%c9%99n-nur-il%c9%99-gorus-olub-h57703.html Mon, 27 May 2024 12:31:27 +0000 https://1453kralmedya.com/komit%c9%99d%c9%99-taninmis-r%c9%99ssam-rovs%c9%99n-nur-il%c9%99-gorus-olub-h57703.html

Komitədə tanınmış rəssam Rövşən Nur ilə görüş olub
, 2024
Komitədə tanınmış rəssam Rövşən Nur ilə görüş olub

 

 

 

Diasporla İş üzrə Dövlət Komitəsinin sədri Fuad Muradov Estoniyada fəaliyyət göstərən “Buta Art Studio” Azərbaycan Yaradıcılıq Mərkəzinin sədri, tanınmış rəssam Rövşən Nur (Quliyev) ilə görüşüb. Görüşdə Ümummilli Lider Heydər Əliyevin Rövşən Nur tərəfindən çəkilmiş portreti Komitə sədrinə təqdim edilib. Rövşən Nur gələcək fəaliyyəti ilə bağlı məlumat verib.

Qeyd edək ki, Diasporla İş üzrə Dövlət Komitəsi ilə sıx əməkdaşlıq edən tanınmış rəssam tez-tez Azərbaycanın mədəniyyəti və irsi ilə bağlı müxtəlif ölkələrdə sərgi və tədbirlər keçirir. İştirakçılar Azərbaycanın mədəniyyəti, incəsənəti və adət-ənənələri ilə yaxından tanış olurlar. Belə sərgilərdən biri də cari ilin aprel ayında Vaşinqtonda keçirilmiş “Azərbaycan naxışları”dır. Sərgidə Azərbaycanın zəngin mədəni irsini tərənnüm edən nümunələr yer alıb.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komitede-taninmis-ressam-rovsen-nur-ile-gorus-olub-4729

 

]]> Stokholmdakı “Qarabağ” Azərbaycan həftəsonu məktəbində görüş keçirilib https://sunucugazetesi.com/stokholmdaki-qarabag-az%c9%99rbaycan-h%c9%99ft%c9%99sonu-m%c9%99kt%c9%99bind%c9%99-gorus-kecirilib-h57587.html Wed, 22 May 2024 18:24:14 +0000 https://1453kralmedya.com/stokholmdaki-qarabag-az%c9%99rbaycan-h%c9%99ft%c9%99sonu-m%c9%99kt%c9%99bind%c9%99-gorus-kecirilib-h57587.html

Stokholmdakı “Qarabağ” Azərbaycan həftəsonu məktəbində görüş keçirilib

2024

Stokholmdakı “Qarabağ” Azərbaycan həftəsonu məktəbində görüş keçirilib

 

 

 

İsveçin paytaxtı Stokholm şəhərində fəaliyyət göstərən Azərbaycan-İsveç Mədəniyyət Birliyinin (SAF) nəzdindəki “Qarabağ” Azərbaycan həftəsonu məktəbində müəllim heyəti, şagird və valideynlər ilə görüş keçirilib. Görüş iştirakçıları ilə müzakirələr aparılıb, onların fikirləri dinlənilib.

Görüşdə Diasporla İş üzrə Dövlət Komitəsinin və Azərbaycan Respublikasının İsveç Krallığındakı Səfirliyinin əməkdaşları da iştirak edib.

Qonaqları salamlayan “Qarabağ” Azərbaycan həftəsonu məktəbinin rəhbəri Sevda Dadaşova məktəbin fəaliyyəti barədə geniş məlumat verib və göstərilən dəstəyə görə Diasporla İş üzrə Dövlət Komitəsinə təşəkkürünü bildirib. Qeyd olunub ki, 50-yə yaxın şagirdi olan “Qarabağ” məktəbində musiqi, rəqs, ana dili dərsləri keçirilir və gələcəkdə idman, kulinariya dərslərinin tədrisi nəzərdə tutulur.

Diasporla İş üzrə Dövlət Komitəsinin şöbə müdiri Leyla Həmzəyeva ölkəmizin Birinci vitse-prezidenti Mehriban xanım Əliyevanın təşəbbüsü ilə xaricdə fəaliyyət göstərən “Qarabağ” məktəblərinin sayı və fəaliyyəti barədə geniş məlumat verib. O, Azərbaycan-İsveç Mədəniyyət Birliyinin (SAF) nəzdindəki “Qarabağ” Azərbaycan həftəsonu məktəbinin “Qarabağ” adının yaşadılması, azyaşlı soydaşlarımızın Azərbaycana bağlılığının artırılması, ana dilini daha yaxşı bilməsi, vətənpərvər ruhda yetişdirilməsi kimi mühüm məqsədlərə xidmət etdiyini diqqətə çatdırıb. Azərbaycan Respublikasının Prezidenti İlham Əliyevin Şuşada keçirilən Dünya Azərbaycanlıların V Qurultayındakı çıxışı xatırladılıb və qeyd edilib ki, bütün azərbaycanlıları birləşdirən ana dilimizin xaricdə yaşayan soydaşlarımız tərəfindən öyrənilməsi vacibdir və bu istiqamətdə yeni ana dili məktəblərinin, həftəsonu məktəblərinin açılması çox önəmli bir hadisədir. Görüşdə “Qarabağ” həftəsonu məktəblərinin fəaliyyətinin Komitənin diqqətində olduğu vurğulanıb. Komitə rəhbərliyinin xaricə səfərləri zamanı “Qarabağ” həftəsonu məktəblərinin müəllim heyəti və şagirdləri ilə görüşlər keçirildiyi diqqətə çatdırılıb. Gələcəkdə İsveçdə Azərbaycan Evinin açılması müzakirə olunub.

Komitənin şöbə müdirinin müavini Əli Əliyev və Azərbaycan Respublikasının İsveç Krallığındakı Səfirliyinin əməkdaşı Əsgər Nağıyev məktəbin kollektivinə gələcək fəaliyyətlərində uğurlar arzulayıblar.

Sonra şagirdlərin ifasında vətənpərvərlik mövzusunda mahnılar səsləndirilib.

Görüşün sonunda “Qarabağ” məktəbinə hədiyyələr təqdim edilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stokholmdaki-qarabag-azerbaycan-heftesonu-mektebinde-gorus-kecirilib-4709

 

]]> Komitədə Əməkdar artist Elvin Xoca Qəniyevlə görüş olub https://sunucugazetesi.com/komit%c9%99d%c9%99-em%c9%99kdar-artist-elvin-xoca-q%c9%99niyevl%c9%99-gorus-olub-h57212.html Fri, 10 May 2024 13:32:09 +0000 https://1453kralmedya.com/komit%c9%99d%c9%99-em%c9%99kdar-artist-elvin-xoca-q%c9%99niyevl%c9%99-gorus-olub-h57212.html

Komitədə Əməkdar artist Elvin Xoca Qəniyevlə görüş olub

, 2024

Komitədə Əməkdar artist Elvin Xoca Qəniyevlə görüş olub

 

 

 

 

Diasporla İş üzrə Dövlət Komitəsinin sədri Fuad Muradov Azərbaycanın Əməkdar artisti, hazırda Almaniyada təhsil alan violin ifaçısı Elvin Xoca Qəniyevlə görüşüb.

Komitənin fəaliyyəti, Azərbaycan mədəniyyətinin və incəsənətinin təbliği sahəsində müxtəlif ölkələrdə həyata keçirilən layihələr barədə məlumat verən sədr Əməkdar artist Elvin Xoca Qəniyevin fəaliyyətini yüksək qiymətləndirdiyini söyləyib, yaradıcılıq planları ilə maraqlanıb. Bildirib ki, Ulu Öndər Heydər Əliyevin Azərbaycan mədəniyyətinə diqqət və qayğısı bu gün Azərbaycan Prezidenti İlham Əliyev və Birinci vitse-prezident Mehriban Əliyeva tərəfindən uğurla davam etdirilir. Elə bunun nəticəsidir ki, Azərbaycan Respublikası Prezidentinin Sərəncamı ilə 2008-ci ildə Elvin Xoca Qəniyevin adı Azərbaycanın gənc istedadlarının “Qızıl kitabı”na yazılıb və o, xüsusi aylıq təqaüdə, 2016-cı ildə Gənclər üçün Prezident mükafatına, 2017-ci ildə 20 yaşında ikən Azərbaycanın Əməkdar artisti adına layiq görülüb.

Elvin Xoca Qəniyev qeyd edib ki, Azərbaycanın Xalq artisti Sərvər Qəniyevin nəvəsi olması faktı ilə yanaşı, Azərbaycan dövlətinin, Heydər Əliyev Fondunun və şəxsən Mehriban xanım Əliyevanın xüsusi diqqəti bir Azərbaycan vətəndaşı və sənətçisi kimi onun öz yaradıcılığına daha məsuliyyətlə yanaşmasına, ölkəmizin və mədəniyyətimizin dünyada təbliği üçün daha da səylə çalışmasına stimul verir.

Sonda qonağa xatirə hədiyyələri təqdim olunub.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komitede-emekdar-artist-elvin-xoca-qeniyevle-gorus-olub-4624

 

 

]]> İtaliyada Azərbaycan icması ilə görüş keçirilib https://sunucugazetesi.com/italiyada-az%c9%99rbaycan-icmasi-il%c9%99-gorus-kecirilib-h56924.html Wed, 01 May 2024 07:06:06 +0000 https://1453kralmedya.com/italiyada-az%c9%99rbaycan-icmasi-il%c9%99-gorus-kecirilib-h56924.html

İtaliyada Azərbaycan icması ilə görüş keçirilib
2024

 

 

 

İtaliyada Azərbaycan icması ilə görüş keçirilib
Diasporla İş üzrə Dövlət Komitəsinin sədri Fuad Muradov İtaliyaya səfəri çərçivəsində bu ölkədəki Azərbaycan icması ilə görüşüb.

Azərbaycanın Dövlət Himninin səsləndirilməsi ilə başlayan tədbirdə ölkəmizin ərazi bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad edilib.

Tədbirdə ölkəmizin diaspor siyasəti, Diasporla İş üzrə Dövlət Komitəsinin xətti ilə reallaşan irihəcmli layihələr, o cümlədən Koordinasiya Şuraları, Azərbaycan Evləri, həftəsonu Azərbaycan məktəbləri, Diaspor Gənclərinin Yay Düşərgələri, Beyinqazanma proqramı, komitənin xarici ölkələrdə təşkil etdiyi ixtisaslaşmış forumlar və s. haqqında müfəssəl məlumat verilib.

Prezident İlham Əliyevin Dünya Azərbaycanlılarının V (Zəfər) Qurultayında xaricdə yaşayan soydaşlarımıza tövsiyələrini xatırladan komitə sədri dünya azərbaycanlılarının, o cümlədən İtaliyadakı icmamızın azərbaycançılıq ideologiyasına sadiq qaldıqlarını, həqiqətlərimizin təbliğində fəal iştirak etdiklərini qeyd edib.

İtaliyadakı Azərbaycan icması ilə görüşdə Azərbaycan Respublikasının İtaliyadakı səfirliyinin əməkdaşları və Azərbaycan Respublikasının Müqəddəs Taxt-Tacda (Vatikan) fövqəladə və səlahiyyətli səfiri İlqar Muxtarov iştirak edib.

AKŞ-nin Roma üzrə koordinatoru Fərid Abbasov və İtaliya AKŞ-nin Venesiya üzrə koordinatoru Türkan Həsənova məruzə ilə çıxış etdikdən sonra İtaliya AKŞ-nin koordinatorlarının və Azərbaycan İtaliya Gənclər Assosiasiyası sədrinin seçkisi keçirilib. Aynur Aşurova (Roma), Fidan Abdullazadə (Milan), Elvin Babayev (Milan), Aysel Şəbiyeva (Malta) AKŞ-nin koordinatorları, Kərim İsmayılov isə (Roma) assosiasiya sədri seçilib. Soydaşlarımız göstərilən etimada görə minnətdarlıq ediblər.

Qarşılıqlı fikir mübadiləsi aparıldıqdan və soydaşlarımızın sualları hərtərəfli cavablandırıldıqdan sonra Milandakı İtaliya-Azərbaycan Assosiasiyasının vitse-prezidenti, “Eurasiaticanews”un təsisçisi və direktoru Karlo Marinoya, Neapol-Bakı Assosiasiyasının vitse-prezidenti Elnur Camalxanova və icma üzvü Lalə Zeynalovaya “Diaspor fəaliyyətində xidmətə görə” Azərbaycan Respublikasının medalı, Azərbaycan icmasının fəal üzvlərinə isə Komitənin təşəkkürnamələri təqdim edilib.

Qeyd edək ki, hazırda dünyanın 15 ölkəsində 29 Azərbaycan Evi və 36 ölkəni əhatə edən 15 Azərbaycanlıların Koordinasiya Şurası fəaliyyət göstərir.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/italiyada-azerbaycan-icmasi-ile-gorus-kecirilib-4595

 

 

]]> Kanada Azərbaycan Evində azərbaycanlı tələbələrlə görüş olub https://sunucugazetesi.com/kanada-az%c9%99rbaycan-evind%c9%99-az%c9%99rbaycanli-t%c9%99l%c9%99b%c9%99l%c9%99rl%c9%99-gorus-olub-h52594.html Tue, 19 Dec 2023 16:58:09 +0000 https://1453kralmedya.com/kanada-az%c9%99rbaycan-evind%c9%99-az%c9%99rbaycanli-t%c9%99l%c9%99b%c9%99l%c9%99rl%c9%99-gorus-olub-h52594.html

 

 

 

 

Kanada Azərbaycan Evində azərbaycanlı tələbələrlə görüş olub

2023

 

 

 

 

Kanada Azərbaycan Evində azərbaycanlı tələbələrlə görüş olub

 

 

 

Kanadada fəaliyyət göstərən Azərbaycan Evində dünyanın nüfuzlu universitetlərindən biri hesab olunan Toronto Universitetində təhsil alan azərbaycanlı tələbələrlə görüş keçirilib.

 

 

 

 

Tədbir iştirakçılarını salamlayan Lalin Həsənova rəhbərlik etdiyi Azərbaycan Evinin fəaliyyət istiqamətləri barədə məlumat verib, görüşün gənclərin ruhlandırılması, uğura gedən yolun əsasında fədakarlığın və əməyin dayanması fikrinin aşılanması, Azərbaycan icması üzvlərinin bir araya gəlməsi və nailiyyətlərinin qeyd edilməsi məqsədilə təşkil edildiyini vurğulayıb.

 

 

 

 

Görüş zamanı ölkəmizi 31-ci Ümumdünya Biologiya Olimpiadasında və Kimya Olimpiadasında təmsil edən tələbələr Mətin Muradlının və Əli Əliyevin nailiyyətləri və uğur hekayələrindən danışılıb.

Kanadada yaşayan və fəaliyyət göstərən aktyor və videomeyker Vüsal Novruzovun fikir və təcrübəsini əyləncəli tərzdə paylaşması tədbir iştirakçılarında böyük maraq doğurub.

Görüş sualların cavablandırılması və fikir mübadiləsinin aparılması ilə yekunlaşıb.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanada-azerbaycan-evinde-azerbaycanli-telebelerle-gorus-olub-3971

 

 

 

 

]]> Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub https://sunucugazetesi.com/stokholmdaki-qarabag-az%c9%99rbaycan-h%c9%99ft%c9%99sonu-m%c9%99kt%c9%99bind%c9%99-az%c9%99rbaycanli-qonaqlarla-gorus-olub-h50982.html Sun, 29 Oct 2023 10:32:02 +0000 https://1453kralmedya.com/stokholmdaki-qarabag-az%c9%99rbaycan-h%c9%99ft%c9%99sonu-m%c9%99kt%c9%99bind%c9%99-az%c9%99rbaycanli-qonaqlarla-gorus-olub-h50982.html

 

 

 

 

Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub

, 2023

 

 

 

Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub

 

 

 

İsveçin paytaxtı Stokholm şəhərində fəaliyyət göstərən Azərbaycan-İsveç Mədəniyyət Birliyinin (SAF) nəzdindəki “Qarabağ” Azərbaycan həftəsonu məktəbində İsveçdə səfərdə olan “Əlil Qadınlar Cəmiyyəti”nin nümayəndə heyəti ilə görüş keçirilib.

 

 

 

Görüşdə Beynəlxalq Media Qurupunun, SAF-ın fəalları, “Qarabağ” məktəbinin şagirdləri və “Qarabağ” uşaq rəqs ansamblının üzvləri iştirak ediblər.

Görüş iştirakçılarını salamlayan SAF rəhbəri Sevda Dadaşova birliyin və həftəsonu məktəbinin fəaliyyət istiqamətləri barədə ətraflı məlumat verib.

 

 

 

 

Tədbirdə çıxış edən “Əlil Qadınlar Cəmiyyəti”nin sədri Məhluqə Qaramanlı, Beynəlxalq Media Qurupunun İH-nin sədri rejissor Rahim Sadıqbəyli, tanınmış yazıçı Eluca Atalı ölkəmizin suverenliyinin və ərazi bütövlüyünün tam bərpa edilməsi, Xankəndidə Azərbaycan bayrağının ucaldılması münasibətilə soydaşlarımızı təbrik ediblər. Gənclərə müasir Azərbaycan dövlətinin qurucusu Heydər Əliyevin ölkəmizin dövlət müstəqilliyinin əldə olunması, qorunub saxlanılması və möhkəmləndirilməsi istiqamətində həyata keçirdiyi misilsiz xidmətlərindən danışılıb, dahi şəxsiyyətlə bağlı xatirələrini bölüşüblər. Mədəniyyətimizin və Azərbaycan həqiqətlərinin təbliğində SAF-ın fəaliyyəti yüksək qiymətləndirilib.

 

 

 

Qonaqlara Eluca Atalının kitabları hədiyyə edilib.

Görüşün bədii hissəsində pianoçu Samirə Səfərovanın ifasında Azərbaycan musiqisinin səsləndirilməsi böyük coşğu ilə qarşılanıb.

Qeyd edək ki, “Əlil Qadınlar Cəmiyyəti” nümayəndə heyətinin İsveçə səfəri Azərbaycan Respublikası Qeyri-Hökümət Təşkilatlarına Dövlət Dəstəyi Agentliyinin maliyyə yardımı ilə baş tutub.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stokholmdaki-qarabag-azerbaycan-heftesonu-mektebinde-azerbaycanli-qonaqlarla-gorus-olub-3733

 

 

 

]]>