Britaniya – Sunucu Gazetesi https://sunucugazetesi.com Sun, 10 Dec 2023 07:19:36 +0000 tr hourly 1 Komitə sədri Britaniya Azərbaycanlıları Assosiasiyasının rəhbəri ilə görüşüb https://sunucugazetesi.com/komit%c9%99-s%c9%99dri-britaniya-az%c9%99rbaycanlilari-assosiasiyasinin-r%c9%99hb%c9%99ri-il%c9%99-gorusub-h52296.html Sun, 10 Dec 2023 07:19:36 +0000 https://1453kralmedya.com/komit%c9%99-s%c9%99dri-britaniya-az%c9%99rbaycanlilari-assosiasiyasinin-r%c9%99hb%c9%99ri-il%c9%99-gorusub-h52296.html

 

 

 

Komitə sədri Britaniya Azərbaycanlıları Assosiasiyasının rəhbəri ilə görüşüb

2023

Komitə sədri Britaniya Azərbaycanlıları Assosiasiyasının rəhbəri ilə görüşüb

 

 

 

Diasporla İş üzrə Dövlət Komitəsinin sədri Fuad Muradov Britaniya Azərbaycanlıları Assosiasiyasının rəhbəri, Britaniya Azərbaycanlıları Koordinasiya Şurasının üzvü Hafiz Baxşəliyevlə görüşüb.

Görüşdə assosiasiyanın fəaliyyəti yüksək qiymətləndirilib, Böyük Britaniyada yaşayan soydaşlarımızın ölkəmizlə bağlı geniş təbliğat işləri aparmalarından, yumşaq gücə çevrilmək yolunda irəliləyən diasporumuzun müxtəlif sahələrdə gücünün artmasından məmnunluq hissi ifadə olunub.

 

 

 

Azərbaycan diasporunun, o cümlədən Britaniyadakı Azərbaycan icmasının Prezident İlham Əliyevin tövsiyələri əsasında uğurla fəaliyyət göstərməsi diqqətə çatdırılıb.

 

 

 

Hafiz Baxşəliyev bu il Birləşmiş Krallığın paytaxtı Londonda müasir Azərbaycan dövlətinin qurucusu Heydər Əliyevin anadan olmasının 100 illiyinə həsr olunmuş qarışıq idman növləri üzrə beynəlxalq turnirin təşkilinə göstərilən dəstəyə görə Azərbaycan dövlətinə minnətdarlığını ifadə edib, yarışla bağlı xatirə hədiyyəsini komitə sədrinə təqdim edib.

Qeyd edək ki, beynəlxalq yarışda İngiltərə, İspaniya və digər ölkələrin muay-tay, kikboksinq və MMA üzrə idmançıları iştirak ediblər. Turnirin əsas döyüşləri Yusuf Ali Taleb–Co Bello və Kennet Alarkon–Körtis Allen arasında baş tutub. Yusuf Ali Taleb II, Körtis Allen isə IV raundda nokautla rəqibləri üzərində qələbə qazanıblar.

 

 

 

Dünya və Avropa çempionu Hafiz Baxşəliyev Dünya Azərbaycanlılarının Şuşada keçirilən Zəfər Qurultayının iştirakçısıdır və “Diaspor fəaliyyətində xidmətə görə” Azərbaycan Respublikasının medalı ilə təltif olunub.

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komite-sedri-britaniya-azerbaycanlilari-assosiasiyasinin-rehberi-ile-gorusub-3897

 

 

 

]]> London və Mançesterdə Ermənistanın mina terroru ilə bağlı məlumatlandırma aksiyası təşkil edilib https://sunucugazetesi.com/london-v%c9%99-mancesterd%c9%99-erm%c9%99nistanin-mina-terroru-il%c9%99-bagli-m%c9%99lumatlandirma-aksiyasi-t%c9%99skil-edilib-h49933.html Wed, 27 Sep 2023 10:56:15 +0000 https://1453kralmedya.com/london-v%c9%99-mancesterd%c9%99-erm%c9%99nistanin-mina-terroru-il%c9%99-bagli-m%c9%99lumatlandirma-aksiyasi-t%c9%99skil-edilib-h49933.html

 

 

 

 

 

London və Mançesterdə Ermənistanın mina terroru ilə bağlı məlumatlandırma aksiyası təşkil edilib
, 2023

 

 

 

 

London və Mançesterdə Ermənistanın mina terroru ilə bağlı məlumatlandırma aksiyası təşkil edilib
Böyük Britaniyanın London və Mançester şəhərlərində Ermənistan silahlı qüvvələri tərəfindən işğal illərində Azərbaycanın Qarabağ bölgəsində kütləvi şəkildə basdırılan minaların faciəvi nəticələrini əks etdirən məlumat xarakterli aksiya keçirilib.

 

 

 

 

Britaniya Azərbaycan Cəmiyyətinin təşkilatçılığı ilə baş tutan aksiya zamanı müxtəlif şüarları, həştəqləri və məlumatları əks etdirən LED ekranlı yük avtomobilləri London və Mançester şəhərlərinin izdihamlı mərkəzi küçələrində hərəkət edib. 8 saat davam edən aksiya zamanı avtomobil Londonun Oxford Street, Regent Street, Picadilly, Westminister Bridge, Parliament Square və Mançester şəhərinin Picadilly Gardens, King Street, New Cathedral Street, Cheetham Hill Road, Canal Street və digər küçələrdən keçməklə yerli sakinlərin diqqətini cəlb edib.

 

 

 

Məlumatlarda Ermənistan silahlı qüvvələri tərəfindən işğal illərində Azərbaycan torpaqlarında 1,5 milyon minanın basdırıldığı, 147 988 hektar ərazinin yüksək səviyyədə, 675 570 hektar ərazinin isə orta və aşağı səviyyədə çirkləndirildiyi, Ermənistanın Azərbaycana qarşı mina terroru törətməsi nəticəsində 1991-ci ildən bu günə qədər arasında qadın və uşaqlar da olmaqla 3393 mina qurbanının olduğu, 10 noyabr 2020-ci ildən 19 sentyabr 2023-cü ilə qədər mina qurbanlarının sayının 314 nəfərə çatdığı, onlardan 67 nəfərin öldüyü kimi faktlar, #stoparmeniancrimes, #MapsForKarabakhSafety, #KarabakhSafety kimi həştəqlər yer alıb.

FOTO QALEREYA

 

 

 

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/london-ve-mancesterde-ermenistanin-mina-terroru-ile-bagli-melumatlandirma-aksiyasi-teskil-edilib-3554

 

 

 

 

]]> Britaniyadakı icmamız İlinq şəhər Şurasının ermənipərəst qərarına yenidən baxılması üçün çağırış edib https://sunucugazetesi.com/britaniyadaki-icmamiz-ilinq-s%c9%99h%c9%99r-surasinin-erm%c9%99nip%c9%99r%c9%99st-q%c9%99rarina-yenid%c9%99n-baxilmasi-ucun-cagiris-edib-h49482.html Mon, 11 Sep 2023 11:01:07 +0000 https://1453kralmedya.com/britaniyadaki-icmamiz-ilinq-s%c9%99h%c9%99r-surasinin-erm%c9%99nip%c9%99r%c9%99st-q%c9%99rarina-yenid%c9%99n-baxilmasi-ucun-cagiris-edib-h49482.html

Resim

 

 

Resim

 

 

Britaniyadakı icmamız İlinq şəhər Şurasının ermənipərəst qərarına yenidən baxılması üçün çağırış edib
11 sentyabr, 2023

 

 

Britaniyadakı icmamız İlinq şəhər Şurasının ermənipərəst qərarına yenidən baxılması üçün çağırış edib
Böyük Britaniya və Şimali İrlandiya Birləşmiş Krallığında yaşayan Azərbaycan icması Londondakı İlinq şəhər Şurasının (Ealing City Council) “erməni soyqırımı”nın anılması haqqında qərarına sərt etiraz edib.

 

 

 

Britaniya Azərbaycanlıları Cəmiyyətinin rəhbəri Fəridə Pənahovanın adından Böyük Britaniya Parlamentinin İcmalar Palatasının lideri xanım Penni Mordaunta və xarici işlər naziri Ceyms Kleverliyə ünvanlanan məktublarda icmamızın bu qəbuledilməz və yolverilməz vəziyyətlə bağlı dərin narahatlığı ifadə olunub.

 

 

 

 

Hər iki rəsmi şəxsin Böyük Britaniyanın maraqları naminə göstərdikləri fədakarlığını yüksək qiymətləndirən cəmiyyət rəhbəri Azərbaycan icmasının fikirlərinin nəzərə alınacağına ümid etdiyini vurğulayıb.

 

 

 

 

Nəzərə çatdırılıb ki, I Dünya müharibəsi zamanı baş vermiş insan itkisini və faciəvi hadisələri bu gün də kədərlə xatırlayan icmamız İlinq şəhər Şurasının türk millətinə münasibətdə “soyqırım” ifadəsini dəstəkləməsinə qəti etiraz edir. Şura daxilində bu məsələ ilə bağlı fikir ayrılığının olduğunu əsas gətirən bir neçə şura üzvünün bu qərarın təsdiqlənməsinə qarşı çıxması xüsusilə vurğulanıb.

 

 

 

İlinq şəhər Şurasının qərarının Böyük Britaniya hökumətinin və Xarici İşlər Nazirliyinin bu məsələ ilə bağlı uzunmüddətli siyasətinə zərbə vurduğu, bütöv bir xalqı yalandan soyqırımda ittiham etdiyi, Birləşmiş Millətlər Təşkilatının məsələ ilə bağlı heç bir qərarının olmamasına məhəl qoymaması kimi faktlara diqqət cəlb edilib.

Tarixi faktların siyasətçilər yox, tarixçilər tərəfindən araşdırmalı olduğu vurğulanıb. “Biz qəti şəkildə inanırıq ki, bu məsələ siyasi motivlərə deyil, tarixi faktlara əsaslanmalıdır. Qeyd etmək lazımdır ki, heç bir məhkəmə və ya beynəlxalq komitə erməni soyqırımının baş verməsini təsdiqləməyib. Buna görə də hesab edirik ki, İlinq şəhər Şurasının qəbul etdiyi qərarın tarixi dəqiqliyi yoxdur”.

 

 

 

Qondarma erməni soyqırımının əsaslandırılmasını şübhə altına alan çoxlu mənbələrin mövcud olduğu, amerikalı kontr-admiral M.L.Bristolun ABŞ Konqresində saxlanılan və erməni soyqırımını dəqiqliklə təkzib edən məşhur hesabatı yada salınıb.

 

 

 

 

Britaniyada yaşayan azərbaycanlı və türk əhalinin problemlərinə ciddi yanaşmağı xahiş edən soydaşlarımız Britaniya parlamentinə və hökumətinəi İlinq şəhər Şurasının(Ealing City Council) qərarına yenidən baxılması üçün çağırış ediblər. “Hesab edirik ki, parlamentdə hərtərəfli müzakirələr daha balanslı mövqe nümayiş etdirməyə səbəb olacaq və nəticədə İlinq Şurasının qəbul etdiyi qərara yenidən baxılmasına gətirib çıxaracaq”.

 

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/britaniyadaki-icmamiz-ilinq-seher-surasinin-ermeniperest-qerarina-yeniden-baxilmasi-ucun-cagiris-edib-3438

 

 

]]> Londondakı “Qarabağ” məktəbinin müəlliminin mahnıları beynəlxalq festivalda II yeri tutub https://sunucugazetesi.com/londondaki-qarabag-m%c9%99kt%c9%99binin-mu%c9%99lliminin-mahnilari-beyn%c9%99lxalq-festivalda-ii-yeri-tutub-h49180.html Thu, 31 Aug 2023 11:11:10 +0000 https://1453kralmedya.com/londondaki-qarabag-m%c9%99kt%c9%99binin-mu%c9%99lliminin-mahnilari-beyn%c9%99lxalq-festivalda-ii-yeri-tutub-h49180.html

 

 

 

 

Londondakı “Qarabağ” məktəbinin müəlliminin mahnıları beynəlxalq festivalda II yeri tutub
, 2023

 

 

 

Londondakı “Qarabağ” məktəbinin müəlliminin mahnıları beynəlxalq festivalda II yeri tutub

 

 

Britaniya və Şimali İrlandiya Birləşmiş Krallığında fəailyyət göstərən “Karabakh School UK” onlayn məktəbinin musiqi müəllimi Səadət Fərziyeva yeni uğur əldə edib.

 

 

 

 

Soydaşımızın bəstələdiyi “Rəngarəng dünya” və Əlifba” mahnıları bu il Britaniyada keçirilən “Golden Time Talent” beynəlxalq festivalında II yerə layiq görülüb. Səadət Fərziyeva bu mahnıları uzun illər öncə uşaqlar üçün bəstələyib.

 

 

 

 

Qeyd edək ki, Səadət Fərziyeva həyat yoldaşı Rasim Fərziyevlə birlikdə “Karabakh School UK” məktəbində musiqi dərsini tədris edir. Bu dərslərdə Azərbaycan xalq və bəstəkar mahnıları, eləcə də Səadət Fərziyevanın bəstələdiyi əsərlər öyrədilir.

 

 

 

 

Xatırladaq ki, məktəb Diasporla İş üzrə Dövlət Komitəsinin dəstəyi ilə fəaliyyət göstərir. Azərbaycan dili, ədəbiyyatı, tarixi, musiqi və rəsm dərslərinin tədris edildiyi məktəbdə təhsil ödənişsizdir.

Mahnıları aşağıdakı linklərdən dinləmək mümkündür:

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/londondaki-qarabag-mektebinin-muelliminin-mahnilari-beynelxalq-festivalda-ii-yeri-tutub-3411

 

 

]]> “The HALO Trust” və “Mines Action Canada” Britaniyadakı icmamızın mina təhlükəsi ilə bağlı narahatlığını bölüşüb https://sunucugazetesi.com/the-halo-trust-v%c9%99-mines-action-canada-britaniyadaki-icmamizin-mina-t%c9%99hluk%c9%99si-il%c9%99-bagli-narahatligini-bolusub-h47977.html Thu, 27 Jul 2023 15:41:10 +0000 https://1453kralmedya.com/the-halo-trust-v%c9%99-mines-action-canada-britaniyadaki-icmamizin-mina-t%c9%99hluk%c9%99si-il%c9%99-bagli-narahatligini-bolusub-h47977.html

 

 

 

 

“The HALO Trust” və “Mines Action Canada” Britaniyadakı icmamızın mina təhlükəsi ilə bağlı narahatlığını bölüşüb

, 2023

 

 

 

“The HALO Trust” və “Mines Action Canada” Britaniyadakı icmamızın mina təhlükəsi ilə bağlı narahatlığını bölüşüb

 

 

 

 

Britaniyanın “The HALO Trust” qeyri-kommersiya təşkilatı və Kanadanın “Mines Action Canada” (MAC) aparıcı şirkəti Britaniya Azərbaycanlıları Koordinasiyası Şurasının ölkəmizin azad olunmuş ərazilərində Ermənistan tərəfindən yaradılmış mina təhlükəsi barədə müraciətinə cavab verib.

 

 

 

 

“The Halo Trust” təşkilatının baş direktoru, ehtiyatda olan general-mayor Ceyms Kauenin və MAC-ın icraçı direktoru Erin Hantın adından Britaniya Azərbaycanlıları Koordinasiyası Şurasının idarə heyətinin üzvlərinə ünvanlanmış məktublarda icmamızın 15 iyul 2023-cü il tarixli məktubuna görə minnətdarlıq bildirlib.

 

 

 

 

“Siz minaların humanitar fəsadları ilə bağlı narahatlığınızı bildirirsiniz. Humanitar təşkilat kimi HALO imkan yarandıqca hər yerdə və hər zaman yerüstü minaların və digər partlayıcı qurğuların və sursatların təmizlənməsi ilə məşğul olur. Biz minalardan zərərçəkmiş bütün icmalar üçün daha təhlükəsiz və firavanlıq arzunuzu bölüşürük. Şübhəsiz ki, “HALO Trust” hakimiyyət orqanları arasında, o cümlədən BMT vasitəsilə regionda partlayıcı çirklənmənin xarakteri və yeri haqqında məlumat mübadiləsinə yardım edəcək. Mənimlə əlaqə saxladığınız üçün sizə minnətdaram”, – deyə baş direktor bildirib.

 

 

 

 

Azərbaycanda mina təhlükəsi ilə bağlı mövcud durum barədə məlumat verdiyi və bu məsələ ilə bağlı fikrini bölüşdüyü üçün Britaniya Azərbaycanlıları Koordinasiya Şurasına təşəkkürünü bildirən Erin Hant qeyd edib ki, Kanada hökumətinin dəstəyi ilə MAC artıq bir neçə ildir Cənubi Qafqazda minaların təmizlənməsi prosesini müdafiə edir.

Bu müdafiənin 2021-ci ildə uğurlu olduğunu vurğulayan icraçı direktor bildirib ki, tezliklə bu fəaliyyətin yenidən uğurlu olacağına ümid edir. O, əlavə edib ki, şirkətləri Azərbaycan Respublikasının Minatəmizləmə Agentliyində (ANAMA) çalışan azərbaycanlı həmkarları ilə sıx işləyir.

 

 

 

 

Erin Hant nəzərə çatdırıb ki, bu ilin may ayında MAC adından Bakıya səfər edib və II Beynəlxalq humanitar mina fəaliyyəti konfransına qatılıb. Bu konfransın Bakı və Ağdamda keçirildiyini vurğulayan kanadalı mütəxəssis yazıb ki, mina təhlükəsinin Azərbaycanda icmaların həyatına təsirini görüb və bununla bağlı öyrəndiklərini Kanada hökumətinin və parlamentinin rəsmiləri ilə bölüşüb.

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/the-halo-trust-ve-mines-action-canada-britaniyadaki-icmamizin-mina-tehlukesi-ile-bagli-narahatligini-bolusub-3277

 

 

]]> Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb https://sunucugazetesi.com/birl%c9%99smis-kralliq-hokum%c9%99ti-britaniya-az%c9%99rbaycanlilari-koordinasiya-surasinin-m%c9%99ktubunu-cavablandirib-h47911.html Mon, 24 Jul 2023 19:40:44 +0000 https://1453kralmedya.com/birl%c9%99smis-kralliq-hokum%c9%99ti-britaniya-az%c9%99rbaycanlilari-koordinasiya-surasinin-m%c9%99ktubunu-cavablandirib-h47911.html

 

 

 

Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb
24 iyul, 2023

 

 

 

Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb
Britaniya Azərbaycanlıları Koordinasiya Şurasının ölkəmizin sərhədində Ermənistanın ekoloji durumu gərginləşdirmək cəhdi ilə bağlı 15 iyun 2023-cü il tarixli məktubuna Böyük Britaniya və Şimali İrlandiya Birləşmiş Krallığının Xarici İşlər, Birlik və İnkişaf Nazirliyinin məktublar şöbəsi cavab verib.

 

 

 

 

Cavab məktubunda bildirilib ki, Birləşmiş Krallıq hökuməti ətraf mühitin keyfiyyətinin ən yüksək standartlarına sadiqdir. “Biz iqlimin dəyişməsi üzrə BMT konfransında (COP26) və G7-də sədrliyimiz də daxil olmaqla, bu sahədə fəal liderlik vasitəsilə digər ölkələri də eyni cür hərəkət etməyə çağırırıq”.

 

 

 

 

 

Nəzərə çatdırılıb ki, Birləşmiş Krallıq hökuməti BMT-nin İqtisadi Komissiyasının Transsərhəd kontekstdə ətraf mühitə təsirin qiymətləndirilməsi haqqında Avropa Konvensiyasını (Espo Konvensiyası) dəstəkləyir, bu Konvensiyanın təfsiri və ya tətbiqi ilə bağlı iki tərəf arasında mübahisələrin həlli mexanizmini təmin edir.

 

 

 

 

Britaniya tərəfinin ekoloji standartlarla bağlı Azərbaycan və Ermənistanla fəal dialoq apardığı vurğulanıb: “Regional iqlim səfirimiz Deyvid Moran ötən ilin sonunda Ermənistana səfəri zamanı bunun vacibliyini vurğulayıb və Böyük Britaniya müvafiq olaraq Azərbaycanın Enerji Nazirliyi və Ətraf Mühit və Təbii Sərvətlər Nazirliyi ilə təmiz enerjiyə keçid və iqlim dəyişikliyinə dair Anlaşma Memorandumları imzalayıb”.

 

 

 

 

 

Azərbaycandakı “Ətraf Mühitin Mühafizəsi Naminə Beynəlxalq Dialoq” (İDEA) İctimai Birliyi kimi QHT-lərlə tərəfdaşlıqda həyata keçirilən “Ot kökləri” layihəsinin də dəstəkləndiyi bildirilib. Bu layihə çərçivəsində məktəblilərin icma səviyyəsində iqlim dəyişikliyi və ətraf mühitin mühafizəsi ilə bağlı tədbirlər görməyə ruhlandırılması təşəbbüslərinin müdafiə olunduğu vurğulanıb.

 

 

 

 

“Biz tarixi sülh razılaşmasına nail olmaq üçün lazım olan impulsu stimullaşdırmaq və gərginliyi azaltmaq məqsədilə geniş spektrli məsələlər üzrə hər iki hökumətlə işləməyə davam edirik”, – deyə sonda əlavə edilib.

 

 

 

 

 

Xatırladaq ki, Britaniya Azərbaycanlıları Koordinasiya Şurasının adından yerli ictimaiyyətə və beynəlxalq təşkilatlara ünvanlanan bəyanatda Azərbaycanın Naxçıvan Muxtar Respublikası ilə sərhəddə – Yerasx (Arazdəyən) kəndində Ermənistanın 16 500 kvadratmetr sahədə illik istehsal gücü 180 000 ton olan iri metallurgiya zavodu tikməsinə sərt etiraz bildirilmişdi.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/birlesmis-kralliq-hokumeti-britaniya-azerbaycanlilari-koordinasiya-surasinin-mektubunu-cavablandirib-3272

 

 

 

]]> Britaniya Azərbaycanlıları Koordinasiya Şurası qonşu Ermənistanın ekoloji təxribatına etiraz edib https://sunucugazetesi.com/britaniya-az%c9%99rbaycanlilari-koordinasiya-surasi-qonsu-erm%c9%99nistanin-ekoloji-t%c9%99xribatina-etiraz-edib-h46614.html Sun, 18 Jun 2023 09:42:41 +0000 https://1453kralmedya.com/britaniya-az%c9%99rbaycanlilari-koordinasiya-surasi-qonsu-erm%c9%99nistanin-ekoloji-t%c9%99xribatina-etiraz-edib-h46614.html

Britaniya Azərbaycanlıları Koordinasiya Şurası qonşu Ermənistanın ekoloji təxribatına etiraz edib

, 2023

 

 

 

Britaniya Azərbaycanlıları Koordinasiya Şurası qonşu Ermənistanın ekoloji təxribatına etiraz edib

 

 

 

Böyük Britaniya və Şimali İrlandiya Birləşmiş Krallığında yaşayan icmamız Azərbaycanla sərhəddə Ermənistanın ekoloji durumun gərginləşdirilməsi istiqamətində atdığı növbəti yolverilməz addımı hiddətlə pisləyib.

Britaniya Azərbaycanlıları Koordinasiya Şurasının adından yerli ictimaiyyətə və beynəlxalq təşkilatlara ünvanlanan bəyanatda Azərbaycanın Naxçıvan Muxtar Respublikası ilə sərhəddə – Yerasx (Arazdəyən) kəndində Ermənistanın 16 500 kvadratmetr sahədə illik istehsal gücü 180 000 ton olan iri metallurgiya zavodu tikməsi diqqətə çatdırılıb.

 

 

 

 

Bəyanatda bu hadisə Ermənistan tərəfindən beynəlxalq hüquq norma və prinsiplərinin, xüsusilə də BMT-nin Avropa İqtisadi Komissiyasının Transsərhəd kontekstdə ətraf mühitə təsirin qiymətləndirilməsi haqqında Konvensiyasının (Espo Konvensiyası) müddəlarının kobud surətdə pozulması kimi dəyərləndirilib. Espo Konvensiyasının müddəalarına görə, digər ölkələrə mənfi ekoloji təsir baxımından Ermənistanın öz ərazisində planlaşdırdığı bu fəaliyyəti Azərbaycanın müvafiq qurumları ilə razılaşdırmalı olmasının zəruriliyi vurğulanıb.

Ermənistanın daim beynəlxalq hüquq və ekoloji hüquq normalarını pozduğu, Azərbaycanın bir müddət öncə Metsamor Atom Elektrik Stansiyasının ərazisində yeni nüvə reaktorunun tikintisi planları ilə əlaqədar qonşu ölkənin Espo Konvensiyasının müddəalarına əməl etmədiyi barədə qərar çıxarılmasına nail olduğu, iri mədən müəssisələri olan Qacaran mis-molibden zavodunun və Qafan filiz emalı kombinatının yüksək kimyəvi tərkibli istehsalat sularının uzun müddət transsərhəd Oxçuçayı intensiv şəkildə çirkləndirməklə Azərbaycanın ekoloji mühitinə ciddi zərər vurduğu kimi faktlar yada salınıb.

 

 

 

Beynəlxalq ictimaiyyəti regionun ekoloji təhlükəsizliyinə zərbə vuran, beynəlxalq hüquq normalarına zidd əməllər həyata keçirən Ermənistana təzyiq göstərməyə çağıran Koordinasiya Şurası bəyan edib ki, ekoloji dayanıqlılıq və ətraf mühitin qorunması indiki və gələcək nəsillərin rifahı üçün prioritet olmalıdır: “Bu ekoloji problemləri həll etməklə biz regionda sülhü, əməkdaşlığı və davamlı inkişafı təşviq edə bilərik”.

 

 

 

 

Britaniya Azərbaycanlıları Koordinasiya Şurası beynəlxalq təşkilatları, hökumətləri və ayrı-ayrı nüfuzlu şəxsləri ətraf mühitin mühafizəsi səylərində Azərbaycan icmasına qoşulmağa, beynəlxalq ekoloji qanun və standartlara riayət olunmasını müdafiə etməyə çağırıb: “Biz birlikdə vəziyyəti dəyişə və ortaq dünyamızın ekoloji bütövlüyünü qoruya bilərik”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/britaniya-azerbaycanlilari-koordinasiya-surasi-qonsu-ermenistanin-ekoloji-texribatina-etiraz-edib-3117

]]> Bişkekdə Heydər Əliyevin 100 illik yubileyi münasibətilə bayram şənliyi təşkil edilib https://sunucugazetesi.com/biskekd%c9%99-heyd%c9%99r-%c9%99liyevin-100-illik-yubileyi-munasib%c9%99til%c9%99-bayram-s%c9%99nliyi-t%c9%99skil-edilib-h46330.html Sun, 11 Jun 2023 07:35:47 +0000 https://1453kralmedya.com/biskekd%c9%99-heyd%c9%99r-%c9%99liyevin-100-illik-yubileyi-munasib%c9%99til%c9%99-bayram-s%c9%99nliyi-t%c9%99skil-edilib-h46330.html

Bişkekdə Heydər Əliyevin 100 illik yubileyi münasibətilə bayram şənliyi təşkil edilib
9 iyun, 2023

 

 

 

Bişkekdə Heydər Əliyevin 100 illik yubileyi münasibətilə bayram şənliyi təşkil edilib
Bişkek şəhərindəki Qırğızıstan-Azərbaycan Dostluğu Parkında müasir Azərbaycan dövlətinin qurucusu, türk dünyasının qüdrətli liderlərindən biri olan Heydər Əliyevin anadan olmasının 100 illiyinə həsr olunmuş bayram şənliyi keçirilib.

 

 

 

 

Diasporla İş üzrə Dövlət Komitəsinin dəstəyi, “Mərkəzi Asiyada Mütərəqqi Azərbaycanlılar Birliyi”nin təşkilatçılığı ilə baş tutan tədbirdə yerli ictimaiyyətin nümayəndələri və Azərbaycan diasporunun fəalları iştirak ediblər.

 

 

 

 

Şənlik iştirakçılarını salamlayan birlik sədri Xansıvar Baxşəliyev xalqımızın ümummilli lideri Heydər Əliyevin ölkəmizin müstəqilliyinin bərqərar olmasında və möhkəmləndirilməsində misilsiz xidmətləri barədə məlumat verib. Qeyd edib ki, belə tədbirlər qardaş Azərbaycan və Qırğızıstan xalqlarını daha da yaxınlaşdırır.

Sonra rəngarəngliyi ilə fərqlənən proqram təqdim olunub: Heydər Əliyevin həyat və siyasi fəaliyyətini əks etdirən fotosərgi nümayiş etdirilib, Azərbaycan musiqisi səsləndirilib, milli adət-ənənələrə xas əyləncəli oyunlar təşkil olunub, ustad dərsləri keçirilib, ziyarətçilər milli mətbəx nümunələrinə qonaq edilib.

 

 

 

 

Qeyd edək ki, Bişkek şəhərində Qırğızıstan-Azərbaycan Dostluq Parkı 11 oktyabr 2022-ci ildə açılıb. Parkın açılışında Azərbaycan Prezidenti İlham Əliyev və Qırğızıstan Prezidenti Sadır Japarov iştirak ediblər.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/biskekde-heyder-eliyevin-100-illik-yubileyi-munasibetile-bayram-senliyi-teskil-edilib-3092

]]> Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib https://sunucugazetesi.com/britaniyadaki-icmamiz-baronessa-koksun-c%c9%99zalandirilmasi-t%c9%99l%c9%99bi-il%c9%99-parlament-komit%c9%99sin%c9%99-muraci%c9%99t-edib-h46313.html Sat, 10 Jun 2023 15:38:50 +0000 https://1453kralmedya.com/britaniyadaki-icmamiz-baronessa-koksun-c%c9%99zalandirilmasi-t%c9%99l%c9%99bi-il%c9%99-parlament-komit%c9%99sin%c9%99-muraci%c9%99t-edib-h46313.html

Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib

, 2023

Resim
Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib
Böyük Britaniya və Şimali İrlandiya Birləşmiş Krallığında yaşayan Azərbaycan icması qızışdırıcı islamofob fikirlərinə görə Lordlar Palatasının üzvü Karolina Ann Koksun (baronessa Koks) cəzalandırılmasını tələb edir.

 

 

 

 

Britaniya Azərbaycan İcmasının sədri Fəridə Pənahovanın adından Britaniya Parlamentinin Standartlar üzrə Komitəsinin sədri Kristofer Con Brayanta ünvanlanmış müraciətdə baronessa Koksun tvitləri “Azərbaycanın Qarabağ regionunda nifrətin qəsdən alovlandırılması” kimi qiymətləndirilib və Azərbaycan icmasının sülh prosesinə mane olan bu tvitlərdən və xəbərlərdən dərin narahatlığı ifadə edilib: “Lordlar Palatası üzvünün sağçı siyasətçilərin diqqətini cəlb etmək üçün bu cür bölücü taktikalara əl atması, xüsusən də dindən sui-istifadəsi və islamofobiyanı təbliğ etməsi təəssüf doğurur”.

 

 

 

Lordlar Palatasının demokratik dəyərlərin qorunmasında və cəmiyyətdə harmoniyanın təşviqində əsas rol oynadığı, amma Baronessa Koksun təhrik və ayrı-seçkilik çalarları ilə dolu mətnaltı tvitlərinin bu prinsiplərə uyğun gəlmədiyi nəzərə çatdırılıb. “Söz azadlığı, şübhəsiz ki, qorunmalı fundamental hüquqdur, lakin ondan nifrət, dözümsüzlük və ya islamofobiyanı qızışdırmaq üçün qalxan kimi istifadə etmək olmaz. Lordlar Palatası mötəbər institut kimi öz üzvlərinin söz azadlığı hüquqlarından qarşılıqlı anlaşma, əməkdaşlıq və dözümlülüyü təşviq edən tərzdə məsuliyyətlə istifadə etmələrini təmin etməlidir”, – deyə icma sədri xatırladıb.

 

 

 

 

Standartlar Komitəsinin belə davranışı aradan qaldırmaq üçün tədbirlər görməsinin zəruri olduğuna diqqəti cəb edən icma sədri bu tələbini “Lordlar Palatasının reputasiyasına kölgə salınması, onun ədalət və inklüzivlik prinsiplərinə sadiqliyinə xələl gətirilməsi” arqumentləri ilə əsaslandırıb: “Baronessa Koksun tvitlərinin ciddi nəticələrini nəzərə alaraq, Standartlar Komitəsindən bu məsələni hərtərəfli araşdırmasını rica edirəm. Onun hərəkətlərinin Lordlar Palatasının müəyyən etdiyi standartları və prinsipləri pozduğunu müəyyən etmək olduqca vacibdir. Üstəlik, mən komitəni baronessa Koksa töhmət vermək və onu qınamaq kimi müvafiq tədbirlər görməyə çağırıram. Bu, Lordlar Palatasında belə davranışın qəbuledilməz olduğuna dəqiq aydınlıq gətirə bilər”.

Lordlar Palatasında baronessa Koksun mövqeyini yada salan icma sədri vurğulayıb ki, o, hər iki icma üçün sülhməramlı tədbirlərin təşəbbüskarı və həyata keçirilməsində ön sıralarda olmaq əvəzinə, şüurlu olaraq qəsdən tam əksini – erməni və azərbaycanlı icmalarını münaqişədə saxlamaq üçün təxribat və daha da yadlaşdırma strategiyasını seçib və həyata keçirir.

 

 

 

 

İcma sədri hesab edir ki, Standartlar Komitəsi bu problemi həll etməklə, Lordlar Palatasına ictimai etimadın və inamın bərpasına kömək edə bilər: “Bundan əlavə, bu, komitənin etik standartları qorumaq və mötəbər qurumda demokratiya və inklüzivlik prinsiplərinə əməl olunmasını təmin etmək öhdəliyini nümayiş etdirəcək. İnanıram ki, Standartlar Komitəsi söylənilən narahatlığı aradan qaldırmaq üçün sürətli və qətiyyətli addımlar atacaq. Əvvəlki kimi ümidvaram ki, Sizin səyləriniz sayəsində Lordlar Palatası bundan sonra da ədalət və hamıya hörmət mayakı olmağa davam edəcək”.

 

 

 

 

Xatırladaq ki, 1982-ci ildən Lordlar Palatasının üzvü olan (Baronessa Koks) eyni zamanda ermənipərəst mövqe nümayiş etdirəm “Humanitarian Aid Relief Trust” (HART) adlı təşkilatın təsisçisidir. 20 aprel 2023-ci il tarixində istintaq Baronessa Koksu özəl firmada (Equal and Free Ltd) maraqlarını bəyan etmədiyi üçün təqsirli bilinib və davranış kodeksini pozmaqda ittiham edib (https://find-and-update.company-information.service.gov.uk/company/08143808). Standartlar üzrə Komitə bu fakt aşkar edildikdən sonra Baronessa Koksdan üzr istəməyi tələb edib.

 

 

 

 

Qeyd edək ki, baronessa Koks Azərbaycanın razılığı olmadan dəfələrlə Dağlıq Qarabağa səfərlər edib. Azərbaycan Respublikasının Xarici İşlər Nazirliyi “Dövlət sərhədləri haqqında” Azərbaycan Respublikasının Qanununu pozduğuna görə baronessa Koksun adını persona-non-qrata siyahısına salıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/britaniyadaki-icmamiz-baronessa-koksun-cezalandirilmasi-telebi-ile-parlament-komitesine-muraciet-edib-3093

]]> Britaniya hökuməti əsir hərbçilərimizlə bağlı icmamızın məktubunu cavablandırıb https://sunucugazetesi.com/britaniya-hokum%c9%99ti-%c9%99sir-h%c9%99rbcil%c9%99rimizl%c9%99-bagli-icmamizin-m%c9%99ktubunu-cavablandirib-h45571.html Sun, 21 May 2023 13:41:19 +0000 https://1453kralmedya.com/britaniya-hokum%c9%99ti-%c9%99sir-h%c9%99rbcil%c9%99rimizl%c9%99-bagli-icmamizin-m%c9%99ktubunu-cavablandirib-h45571.html

 

 

 

Britaniya hökuməti əsir hərbçilərimizlə bağlı icmamızın məktubunu cavablandırıb
, 2023
Britaniya hökuməti əsir hərbçilərimizlə bağlı icmamızın məktubunu cavablandırıb

Böyük Britaniya və Şimali İrlandiya Birləşmiş Krallığının Xarici İşlər, Birlik və İnkişaf Ofisi (FCDO) bu ölkədə fəaliyyət göstərən Azərbaycan icmasının Ermənistana əsir düşmüş azərbaycanlı əsgərlər Aqşin Bəbirov və Hüseyn Axundovla bağlı məktubunu cavablandırıb.

 

 

 

 

 

Britaniya Azərbaycanlıları Cəmiyyətinin sədri Fəridə Pənahovaya ünvanlanan məktubda Ermənistan hakimiyyəti tərəfindən hər iki Azərbaycan əsgərinə qarşı qeyri-insani rəftara yol verilməsi ilə bağlı məlumat verildiyinə görə minnətdarlıq ifadə edilib.

“Mən Azərbaycanla və Cənubi Qafqaz kimi daha geniş regionla əlaqələrimizə məsuliyyət daşıyan nazir kimi cavab verirəm. FCDO ümumbəşəri insan hüquqlarının önə çəkməyə can atır. Biz dövlətləri məhbuslarla beynəlxalq insan haqları hüququna uyğun davranılmasını təmin etməyə çağırırıq. Mülki və Siyasi Hüquqlar haqqında Beynəlxalq Paktın 10-cu maddəsinin tələb etdiyi kimi, buna humanist rəftar və insan şəxsiyyətinə xas ləyaqətə hörmət daxildir.

Dövlətlər himayəsində olan şəxslərlə humanist rəftar sahəsində minimum təminatları təmin etmək üçün tədbirlər görməlidir. Buna məhbusların ilkin tələbatının və əsas ehtiyacları ilə bağlı xidmətlərin təmin edilməsi daxildir. Böyük Britaniya hökuməti mütəmadi olaraq müxtəlif tərəfdaşlarla, o cümlədən Ermənistanla insan hüquqları məsələlərini qaldırır”, – deyə məktubda vurğulanıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/britaniya-hokumeti-esir-herbcilerimizle-bagli-icmamizin-mektubunu-cavablandirib-2980

 

 

]]>