Barselonada – Sunucu Gazetesi

Barselonada Xocalı soyqırımı ilə əlaqədar anım mərasimi keçirilib

Abdullah Yiğit — Wed, 28 Feb 2024 21:20:39 +0000

Barselonada Xocalı soyqırımı ilə əlaqədar anım mərasimi keçirilib
, 2024
Barselonada Xocalı soyqırımı ilə əlaqədar anım mərasimi keçirilib
Xocalı soyqırımının 32-ci ildönümü ilə əlaqədar İspaniyanın Barselona şəhərində anım mərasimi keçirilib.

“Barselonadakı Azərbaycanlılar Cəmiyyəti” və Barselona Azərbaycan Evinin təşkilatçılığı, ölkəmizin İspaniyadakı səfirliyinin dəstəyi ilə baş tutan tədbirdə diplomatik korpusun, yerli ictimaiyyətin və Azərbaycan icmasının nümayəndələri iştirak ediblər.

Mərasim Xocalı soyqırımı qurbanlarının xatirəsinin bir dəqiqəlik sükutla yad edilməsi ilə başlayıb.

Tədbirdə Azərbaycanın İspaniyadakı səfirliyinin müşaviri Həmid Zeynalov, “Barselonadakı Azərbaycanlılar Cəmiyyəti” və İspaniya Azərbaycan Evinin rəhbəri Kərim Kərimov, “Arts Council Azerbaijan” qeyri-hökumət təşkilatının rəhbəri Dadaş Məmmədov çıxış ediblər.

Xocalı soyqırımı qurbanlarının xatirəsinə həsr edilmiş konsert proqramı ilə davam edən tədbirdə pianoçu, bəstəkar Sara Amirian Dilruba və Aydan Abbasova, həmçinin skripkaçı Angie Harumi Mendozanın çıxışları olub. Musiqiçilərin ifasında Azərbaycan və dünya klassik musiqisinin inciləri təqdim olunub.

Tədbir çərçivəsində Xocalı soyqrımı həqiqətlərini əks etdirən fotosərgi nümayiş olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/barselonada-xocali-soyqirimi-ile-elaqedar-anim-merasimi-kecirilib-4301

Barselonada “Heydər Əliyev İli” çərçivəsində “Zəfərin Qəhrəmanları” adlı opera konserti təşkil edilib

Abdullah Yiğit — Sun, 12 Nov 2023 06:04:25 +0000

Barselonada “Heydər Əliyev İli” çərçivəsində “Zəfərin Qəhrəmanları” adlı opera konserti təşkil edilib

, 2023

Barselonada “Heydər Əliyev İli” çərçivəsində “Zəfərin Qəhrəmanları” adlı opera konserti təşkil edilib

İspaniyanın Barselona şəhərində müasir Azərbaycan dövlətinin qurucusu Heydər Əliyevin anadan olmasının 100 illiyinə, 8 Noyabr – Zəfər Günü və 9 Noyabr – Bayraq Gününə həsr olunmuş “Zəfərin Qəhrəmanları” adlı opera konserti keçirilib.

Diasporla İş Üzrə Dövlət Komitəsinin dəstəyi, “Barselonadakı Azərbaycanlılar Cəmiyyəti” və Barselona Azərbaycan Evinin təşkilatçılığı ilə baş tutan tədbirdə Azərbaycanın İspaniyadakı səfirliyinin əməkdaşları, Azərbaycan icmasının, yerli ictimaiyyətin nümayəndələri və media mənsubları iştirak ediblər.

Azərbaycanın Dövlət Himninin səsləndirilməsi ilə başlayan tədbirdə görkəmli dövlət xadimi Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad olunub.

Tədbir Azərbaycanın Zəfər Gününə həsr olunmuş videoçarxın nümayişi ilə davam etdirilib.

Konsert öncəsi çıxış edən Azərbaycanın İspaniyadakı səfiri Ramiz Həsənov, “Barselonadakı Azərbaycanlılar Cəmiyyəti”nin və Barselona Azərbaycan Evinin rəhbəri Kərim Kərimov soydaşlarımızı və ölkəmizin dostlarını müasir dövlətçilik tariximizə qızıl hərflərlə həkk olunmuş Zəfər Günü münasibətilə təbrik ediblər. Azərbaycanın bu zirvəyə yüksəlməsində görkəmli dövlət xadimi Heydər Əliyevin əsasını qoyduğu və Müzəffər Ali Baş Komandan, Prezident İlham Əliyev tərəfindən böyük uğurla davam etdirilən uzaqgörən siyasətin misilsiz rolundan bəhs edilib, şanlı Ordumuzun ərazi bütövlüyümüzü tam bərpa etməsi, Xankəndidə Azərbaycanın Dövlət Bayrağının ucaldılması və Zəfər paradının keçirilməsi qürurverici hal kimi qiymətləndirilib.

Sonra Azərbaycanın xalq artisti Fidan Hacıyevanın, ispan və milli rəqs qruplarının ifasında rəngarəng konsert proqramı təqdim edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/barselonada-heyder-eliyev-ili-cercivesinde-zeferin-qehremanlari-adli-opera-konserti-teskil-edilib-3783

Barselonada Heydər Əliyevin 100 illiyi təntənəli konsertlə qeyd edilib

Abdullah Yiğit — Sat, 13 May 2023 10:31:53 +0000

Barselonada Heydər Əliyevin 100 illiyi təntənəli konsertlə qeyd edilib
, 2023
Barselonada Heydər Əliyevin 100 illiyi təntənəli konsertlə qeyd edilib

İspaniyanın Barselona şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş təntənəli konsert keçirilib.

“Barselonadakı Azərbaycanlılar Cəmiyyəti” və Barselona Azərbaycan Evinin təşkilatçılığı ilə baş tutan konsertdə ispaniyalı siyasətçilər, iş adamları, media mənsubları, Barselonada yaşayan soydaşlarımız və yerli ictimaiyyətin nümayəndələri iştirak ediblər.

Tədbir dahi şəxsiyyət Heydər Əliyevin həyat və fəaliyyətini əks etdirən sənədli filmin nümayişi ilə başlayıb.

Konsert öncəsi çıxış edən Slovakiyanın Barselonadakı fəxri konsulu, ölkəmizin yaxın dostu Havyer Medina Ortiz böyük öndər Heydər Əliyevi “qəlbi daim Vətən eşqi ilə döyünən, bütün varlığı ilə xalqına bağlı olan, respublikanı zamanın çətin sınaqlarından yüksək məharətlə çıxaran, ən düzgün çıxış yolu tapan müdrik və uzaqgörən lider” adlandırıb.

Konsertdə “Kataloniya Cambra Orkestri”, tanınmış azərbaycanlı opera ifaçısı, “Milano Music Master School” musiqi akademiyasının professoru Çinarə Şirin və müxtəlif rəqs qrupları çıxış ediblər. Onların ifasında italyan, ispan və Azərbaycan musiqisi təqdim olunub, iki ölkənin milli rəqsləri nümayiş etdirilib.

Böyük maraqla qarşılanan konsertin sonunda çıxış edən “Barselonadakı Azərbaycanlılar Cəmiyyəti”nin sədri və Barselona Azərbaycan Evinin rəhbəri Kərim Kərimov tədbir iştirakçılarına və musiqiçilərə minnətdarlığını bildirib.

Qeyd edək ki, tədbir iştirakçılarına paylanılan konsert proqramında Heydər Əliyevin həyat və fəaliyyəti barədə məlumat əks olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/barselonada-heyder-eliyevin-100-illiyi-tenteneli-konsertle-qeyd-edilib-2934