“Alyans” – Sunucu Gazetesi

“Alyans” Gənclər Mərkəzində Azərbaycan parlamentinin deputatları ilə görüş olub

Abdullah Yiğit — Sat, 08 Jul 2023 09:29:45 +0000

“Alyans” Gənclər Mərkəzində Azərbaycan parlamentinin deputatları ilə görüş olub

, 2023

“Alyans” Gənclər Mərkəzində Azərbaycan parlamentinin deputatları ilə görüş olub

Gürcüstanın paytaxtı Tbilisidə fəaliyyət göstərən “Alyans” Gənclər Mərkəzində Azərbaycan Milli Məclisinin deputatları ilə görüş keçirilib.

Qonaqları salamlayan mərkəzin sədri Leyla Əmrahova və icraçı direktor Rəna Hüseynova qurumun fəaliyyəti haqqında məlumat veriblər.

R.Hüseynova qeyd edib ki, Diasporla İş üzrə Dövlət Komitəsinin dəstəyi ilə həyata keçirilən layihə çərçivəsində mərkəzdə Azərbaycan, gürcü, ingilis, alman dilləri, həmçinin Azərbaycan tarixi, rəsm və xalçaçılıq üzrə kurslar fəaliyyət göstərir. Eyni zamanda Azərbaycanın əlamətdar günlərinin qeyd olunması, xalqımızın milli-mədəni irsinin və qədim tarixinin təbliği məqsədilə müxtəlif tədbirlər təşkil olunur.

Ulu öndər Heydər Əliyevin anadan olmasının 100 illiyi münasibətilə “Alyans” Gənclər Mərkəzinin keçirdiyi tədbirlər diqqətə çatdırılıb.

Görüşün Komitənin yaranmasının 21 illiyi ilə eyni vaxta təsadüf etdiyini vurğulayan icraçı direktor bu əlamətdar hadisə münasibətilə Diasporla İş üzrə Dövlət Komitəsinin sədri Fuad Muradovu və bütün əməkdaşları təbrik edib.

Sonra tədbirdə çıxış edən Milli Məclisin üzvləri Arzu Nağıyev və Rauf Əliyev mərkəzin fəaliyyətini yüksək qiymətləndirib, gəncləri maraqlandıran sualları cavablandırıblar.

Görüş müasir Azərbaycan dövlətinin qurucusu, ümummilli lider Heydər Əliyevin anadan olmasının 100 illiyinə həsr olunmuş rəsm müsabiqəsinin qaliblərinə sertifikatların və mükafatların təqdim olunması ilə yekunlaşıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/alyans-gencler-merkezinde-azerbaycan-parlamentinin-deputatlari-ile-gorus-olub-3192

“Alyans” Gənclər Mərkəzinin yetirməsi Bakıdakı beynəlxalq konqresdə iştirak edib

Abdullah Yiğit — Fri, 21 Apr 2023 08:14:07 +0000

“Alyans” Gənclər Mərkəzinin yetirməsi Bakıdakı beynəlxalq konqresdə iştirak edib
, 2023
“Alyans” Gənclər Mərkəzinin yetirməsi Bakıdakı beynəlxalq konqresdə iştirak edib

Tbilisidə fəaliyyət göstərən “Alyans” Gənclər Mərkəzinin yetirməsi Elmir Ayvazov Azərbaycan Tibb Universitetində xalqımızın ümummilli lideri Heydər Əliyevin anadan olmasının 100 illiyinə həsr olunmuş beynəlxalq konqresdə çıxış edib.

Tədbirdə Azərbaycan universitetlərinin professor-müəllim heyəti ilə yanaşı, Türkiyə, Özbəkistan, Qazaxıstan və Dağıstan Respublikasının tanınmış mütəxəssisləri və tələbələr iştirak ediblər.

Azərbaycanlı və xarici mütəxəssislərin məruzələrinin dinlənildiyi sessiyada hazırda Tbilisi Dövlət Tibb Universitetinin V kurs tələbəsi olan Elmir Ayvazov şəkərli diabet və stress mövzusunda öz elmi araşdırmasını təqdim edib.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:http://diaspor.gov.az/az/news-detail/alyans-gencler-merkezinin-yetirmesi-bakidaki-beynelxalq-konqresde-istirak-edib-2815

“Alyans” Gənclər Mərkəzində Novruz bayramı münasibətilə tədbir təşkil edilib

Abdullah Yiğit — Sat, 18 Mar 2023 09:36:41 +0000

“Alyans” Gənclər Mərkəzində Novruz bayramı münasibətilə tədbir təşkil edilib
, 2023
“Alyans” Gənclər Mərkəzində Novruz bayramı münasibətilə tədbir təşkil edilib

Gürcüstanın paytaxtı Tbilisidə fəaliyyət göstərən “Alyans” Gənclər Mərkəzində xalqımızın qədim Novruz bayramına həsr olunmuş tədbir keçirilib.

Tədbirdə Diasporla İş üzrə Dövlət Komitəsinin və Azərbaycan Diasporuna Dəstək Fondunun əməkdaşları, azərbaycanlı və gürcü icmalarının nümayəndələri, tələbələr və məktəblilər iştirak ediblər.

Öncə torpaqlarımızın azadlığı və ölkəmizin ərazi bütövlüyü uğrunda canlarından keçən şəhidlərimizin xatirəsi bir dəqiqəlik sükutla yad olunub.

Tədbiri açan “Alyans” Gənclər Mərkəzinin sədri Leyla Əmrahova Novruz bayramı və xüsusən də çərşənbələr haqqında ətraflı məlumat verib, xalqımızı bu gözəl gün münasibətilə təbrik edib.

Tədbirdə çıxış edən Fondun icraçı direktoru Əkrəm Abdullayev bayram münasibətilə soydaşlarımızı təbrik edib və Azərbaycan dövlətinin Gürcüstanda yaşayan soydaşlarımıza göstərdiyi diqqət və qayğıdan danışıb. Bildirib ki, Komitə Gürcüstanda yaşayan soydaşlarımızın inteqrasiyası, tariximizi, milli-mənəvi dəyərlərimizi öyrənərək təbliğ etmələri üçün bir sıra layihələr həyata keçirib. Bu dəstək bundan sonra da davam edəcək.

Diasporla İş üzrə Dövlət Komitəsinin adından tədbir iştirakçılarını Novruz bayramı münasibətilə təbrik edən Komitənin şöbə müdirinin müavini Şəfəq Binnətova xatırladıb ki, Azərbaycan Prezidentinin müvafiq Sərəncamı ilə 2023-cü il “Heydər Əliyev ili” elan olunub. Müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə Komitənin fəaliyyət planı hazırladığı, ilin sonunadək müxtəlif tədbirlərin keçirilməsinin nəzərdə tutulduğu vurğulanıb. Qeyd edib ki, Komitə Gürcüstanda yaşayan soydaşlarımızın qayğı və problemlərini daim diqqət mərkəzində saxlayır. Soydaşlarımız hər zaman Komitəyə müraciət edə bilərlər, çünki onların müraciətləri cavabsız qalmayacaq.

Tədbirin bədii hissəsində Bahar qızı Ayla Məmmədova Novruza həsr olunmuş şeir söyləyib. Sonra “Başti-buba” gürcü rəqs qrupunun və “Ceyran” rəqs ansamblının ifasında maraqlı konsert proqramı, Azərbaycanın görkəmli dramaturqu Mirzə Fətəli Axundzadənin Novruz bayramı ilə bağlı Brüsseldə təhsil alan oğlu Rəşid bəyə yazdığı məktub əsasında səhnəcik təqdim edilib.

Tədbir çərçivəsində mərkəzdə təhsil alan şagirdlərin Novruz bayramını əks etdirən rəsm sərgisi nümayiş etdirilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/alyans-gencler-merkezinde-novruz-bayrami-munasibetile-tedbir-teskil-edilib-2597