Қазақстан Президенті – Sunucu Gazetesi https://sunucugazetesi.com Sun, 16 Oct 2022 08:25:24 +0000 tr hourly 1 Қазақстан Президенті Қасым-Жомарт Тоқаевтың және Түрікменстан Президенті Сердар Бердымухамедовтың бірлескен мәлімдемесі https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d2%9b%d0%b0%d1%81%d1%8b%d0%bc-%d0%b6%d0%be%d0%bc%d0%b0%d1%80%d1%82-%d1%82%d0%be-3-h36237.html Sun, 16 Oct 2022 08:25:24 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d2%9b%d0%b0%d1%81%d1%8b%d0%bc-%d0%b6%d0%be%d0%bc%d0%b0%d1%80%d1%82-%d1%82%d0%be-3-h36237.html

 

 

 

 

Жаңалықтар

Ақорда

Қазақстан Президенті Қасым-Жомарт Тоқаевтың және Түрікменстан Президенті Сердар Бердымухамедовтың бірлескен мәлімдемесі

2022 жылғы

2022 жылғы 15 қазанда Қазақстан Республикасының Президенті Қасым-Жомарт Тоқаевтың шақыруымен Түрікменстан Президенті Сердар Бердымухамедовтың Қазақстан Республикасына мемлекеттік сапары болды.

Достық, өзара құрмет пен сенім рухында өткен келіссөздер барысында Мемлекет басшылары стратегиялық әріптестікті одан әрі тереңдету перспективаларын егжей-тегжейлі талқылады, сондай-ақ өзара қызығушылық тудыратын өңірлік және халықаралық күн тәртібінің өзекті мәселелері бойынша пікір алмасты.

Президенттер Қазақстан Республикасы мен Түрікменстан арасындағы көп ғасырлық достық байланыстар мен тату көршілікке, бауырлас халықтардың терең мәдени-рухани байланыстарына негізделген дипломатиялық қарым-қатынастар орнатылғаннан кейінгі 30 жылдық кезеңінде қол жеткізілген ынтымақтастықтың жоғары деңгейін атай отырып, Қазақстан-Түрікменстан қарым-қатынастарын жан-жақты нығайту бағытының мызғымастығын және екіжақты ынтымақтастықты екі бауырлас мемлекеттердің түбегейлі мүдделеріне сай келетін және Орталық Азия өңіріндегі бейбітшілік пен тұрақтылықты қамтамасыз етудің маңызды факторы ретінде қызмет ететін өзара іс-қимылдың жаңа сапалы дәрежесіне шығарылғанын растады.

Халықаралық құқықтың жалпыға бірдей танылған нормаларына, Біріккен Ұлттар Ұйымы Жарғысының мақсаттары мен қағидаттарына, оның ішінде мемлекеттік егемендік пен тәуелсіздікті, өңірлік тұтастықты, шекаралардың мызғымастығын өзара құрметтеу, бір-бірінің ішкі істеріне араласпау, тең құқықтылық пен өзара тиімділік қағидаттарына берік бейімділігін растай, саяси, сауда-экономикалық және мәдени-гуманитарлық салалардағы Қазақстан-Түрікменстан ынтымақтастығының үдемелі дамуын қанағаттанушылықпен атай келе, 2017 жылғы 18 сәуірдегі Қазақстан Республикасы мен Түрікменстан арасындағы стратегиялық әріптестік туралы шартта көрсетілген қағидаттарды басшылыққа ала отырып, төмендегілер туралы мәлімдеді:

Президенттер екі мемлекет арасындағы қарым-қатынастардың орнықты әрі серпінді дамуының негізгі факторы ретінде сенімді және өзара құрметке негізделген саяси диалогты одан әрі дамытуды және нығайтуды жақтайды.

Қол жеткізілген, оның ішінде Қазақстан Республикасының Президенті Қасым-Жомарт Тоқаевтың 2021 жылғы 25 қазандағы Ашғабат қаласына мемлекеттік сапарының және Түрікменстан Президенті Сердар Бердымухамедовтың 2022 жылғы 15 қазандағы Астана қаласына мемлекеттік сапарының қорытындысы бойынша уағдаластықтарды бірлесіп іске асырудың маңыздылығын атап өтеді.

Қазақстан Республикасының және Түрікменстанның Президенттері өңірлік және халықаралық ұйымдар шеңберіндегі өзара тығыз іс-қимылды қанағаттанушылықпен атап өтті, сондай-ақ әлем сахнасында өзара іс-қимылын жандандыруға ниетін растады.

Мемлекет басшылары Орталық Азия мемлекеттері басшыларының консультативтік кездесулері форматы шеңберіндегі өңірлік кооперацияны дамытып, тереңдетудегі қол жеткізілген прогресті жоғары бағалады. Орталық Азия өңіріндегі тұрақтылық пен қауіпсіздікті нығайту ісіне бірлесе күш салып одан әрі жәрдем көрсетуге дайын екендіктерін білдірді. Президенттер Орталық Азия мемлекет басшыларының консультативтік кездесулері барысында қол жеткізілген уағдаластықтардың толық іске асырылуын құптады.

Президенттер Каспий маңы өңіріндегі өңірлік қауіпсіздік пен тұрақтылықты қолдау бағыты мен бірлескен күш-жігердің өзгермейтінін растады. Сындарлы диалогты дамыту және жан-жақты ынтымақтастықтың әлеуетін ашу мақсатында Каспий маңы мемлекеттері басшыларының саммиттерін тұрақты түрде өткізудің маңыздылығы баса айтылды. Осыған орай Мемлекет басшылары Түрікменстанда өткен Алтыншы Каспий саммитінің маңыздылығын және Каспий экономикалық форумын одан әрі өткізу қажеттілігін атап өтті.

Күрделі халықаралық ахуал, мемлекетаралық қақтығыстардың өсіп келе жатқан тәуекелдері мен күшейіп келе жатқан әскери-саяси және экономикалық текетірес аясында тараптар Біріккен Ұлттар Ұйымы мен оның институттарының жаһандық мәселелерді шешудегі, орнықты дамуды қамтамасыз етудегі, әлемдегі қауіпсіздік пен тұрақтылықты нығайтудағы рөлін арттыру, сондай-ақ халықаралық қоғамдастықтың халықаралық әлемге қауіп төндіретін агрессия актілеріне қарсы күш-жігерін біріктіру қажеттігі туралы ортақ пікір білдірді.

Мемлекет басшылары барлық даулы мәселелерді бейбіт түрде саяси-дипломатиялық жолмен шешудің маңыздығын баса айтты.

Осыған орай Қазақстан Республикасының Президенті Қасым-Жомарт Тоқаев Түрікменстан Президенті Сердар Бердымухамедовтың өңірлік және жаһандық деңгейлерде диалогты дамытудағы күш-жігерін, оның ішінде БҰҰ Бас Ассамблеясының «Халықаралық бейбітшілікті, қауіпсіздік пен орнықты дамуды қолдау мен нығайтудағы бейтараптық саясаттың рөлі мен маңызы», «Халықаралық бейбітшілік және сенім жылы, 2021жыл», «Орталық Азия өңірінде бейбітшілікті, тұрақтылықты және орнықты дамуды қамтамасыз ету үшін өңірлік және халықаралық ынтымақтастықты нығайту», «Орталық Азияның бейбітшілік, сенімділік және ынтымақтастық аймағы» қарарларын қабылдау жөніндегі бастамасын жоғары бағалады. Өз кезегінде Түрікменстан Президенті Сердар Бердымухамедов Қазақстанда жан-жақты диалогты нығайтуға бағытталған Әлемдік және дәстүрлі діндер көшбасшыларының съезін, сондай-ақ Азиядағы өзара іс-қимыл және сенім шаралары жөніндегі кеңестің, «Орталық Азия – Ресей», «Орталық Азия – Еуропалық одақ» саммиттерін өткізудің маңыздылығын атап өтті.

Президенттер COVID-19 пандемиясы тұрғысынан көрініс тапқан қазіргі заманғы сын-қатерлердің жаһандық сипатын растады, ол күллі адамзат қауіпсіздігін қамтамасыз ету үшін мемлекеттердің күш-жігерін ұлттық, өңірлік және халықаралық деңгейлерде тиімді үйлестіруді талап ететінін көрсетті.

Осыған орай Түрікменстан Президенті Сердар Бердымухамедов Қазақстан Республикасының Президенті Қасым-Жомарт Тоқаевтың БҰҰ Бас Ассамблеясының жетпіс бесінші сессиясында өз қызметінде Биологиялық және уыттық қаруға тыйым салу туралы конвенциясына негізделетін Халықаралық биологиялық қауіпсіздік агенттігін құру, сондай-ақ БҰҰ аясында Аурулар мен биоқауіпсіздікті бақылау жөніндегі өңірлік орталықтар жүйесін құру туралы бастамаларының өзектілігін атап өтті.

Мемлекет басшылары Біріккен Ұлттар Ұйымы, Тәуелсіз мемлекеттер достастығы, Ислам ынтымақтастығы ұйымы, Экономикалық ынтымақтастық ұйымы, Азиядағы өзара іс-қимыл және сенім шаралары жөніндегі кеңес, Түркі мемлекеттері ұйымы және басқа да халықаралық және өңірлік ұйымдар мен форумдар аясындағы өзара іс-қимылды одан әрі нығайтуға және өзара қолдауға мүдделілігін атап көрсетті.

Тараптар халықаралық терроризмге, экстремизмге, заңсыз көші-қонға, есірткі құралдарының немесе психотроптық заттардың заңсыз айналымына, трансұлттық ұйымдасқан қылмысқа және халықаралық қауіпсіздіктің басқа да сын-тегеуріндері мен қатерлеріне қарсы күрестегі екіжақты деңгейде де, халықаралық құрылымдар, оның ішінде 2022 жылдан бастап Түрікменстан өкілі директор қызметін атқаратын Алматы қаласындағы Есірткі құралдарының, психотроптық заттар мен олардың прекурсорларының заңсыз айналымына қарсы күрес жөніндегі Орталық Азия өңірлік ақпараттық үйлестіру орталығы (ОАӨАҮО) шеңберінде де ынтымақтастықты одан әрі дамытуды қолдады.

Екі мемлекеттің басшылары ядролық қарусыздану және ядролық қаруды таратпау ісінде күш біріктіру қажеттігін атап өтті, Орталық Азиядағы Ядролық қарудан азат аймақ туралы шартты және 2015 жылғы 5 желтоқсанда Қазақстанның бастамасы бойынша БҰҰ Бас Ассамблеясының 70/57 қарарымен қабылданған Ядролық қарудан азат әлем құру туралы жалпыға бірдей декларацияны іске асыру шеңберінде ынтымақтастықты одан әрі дамытуға дайын екендіктерін білдірді.

Президенттер сауда, энергетика, ауыл шаруашылығы, логистика және көлік салаларындағы бірлескен жобаларды практикалық түрде іске асырудың маңыздылығын мойындайды.

Мемлекет басшылары өзара қызығушылық туғызатын салалардағы ынтымақтастықты тереңдету және кеңейту ісінде үйлестіру органы ретінде Экономикалық, ғылыми-техникалық және мәдени ынтымақтастық жөніндегі Қазақстан-Түрікменстан Үкіметаралық комиссиясы қызметінің тиімділігін арттырудың маңызын атап көрсетеді.

Президенттер сауда-экономикалық, энергетикалық, көлік-коммуникациялық, мәдени-гуманитарлық және басқа да салалардағы екіжақты ынтымақтастықты одан әрі өрістету үшін қолда бар әлеуетті тиімді әрі кешенді түрде іске қосудың қажеттілігін атап өтеді.

Тараптар тауар айналымын өзара сауданың номенклатурасын кеңейту, қолайлы жағдайлар жасау және қосылған құны жоғары өнімдерді тарту арқылы одан әрі арттырудың маңызын растайды. Мемлекет басшылары Қазақстан Республикасының Үкіметі мен Түрікменстанның Үкіметі арасындағы Сауда өкілеттіктерін өзара құру туралы келісімді келісуді және оған қол қоюды жеделдетуді тапсырды.

Мемлекет басшылары шағын және орта бизнес саласындағы бірлескен кәсіпорындардың санын көбейтуге бағытталған іскерлік байланыстарды кеңейтудің қажеттігін баса айтады және бизнес-форумдар мен өнеркәсіп өнімдерінің ұлттық көрмелерін тұрақты түрде өткізуге күш салуды жандандыруға дайын екендіктерін білдіреді. Осыған орай Қазақстан-Түрікменстан Іскерлік Кеңесінің екі елдің кәсіпкерлері арасында тығыз байланыстар мен практикалық өзара іс-қимыл орнату бөлігіндегі қызметін жандандыру қажеттігі атап көрсетілді.

Президенттер инвестициялық өзара іс-қимылды одан әрі дамытудың, инвестициялар тарту мен оларды мемлекеттік дәрежеде қорғау үшін қолайлы жағдайлар жасаудың маңыздылығын атап көрсетеді. Өзара инвестицияларды жан-жақты қолдаудың тетіктерін жетілдіру мақсатында Мемлекет басшылары Қазақстан Республикасының Үкіметі мен Түрікменстанның Үкіметі арасындағы Инвестицияларды көтермелеу және өзара қорғау туралы келісімді келісуді және оған қол қоюды жеделдетуді тапсырды.

Екі мемлекеттің өңіраралық және шекара маңы ынтымақтастығының жоғары әлеуетін қанағаттанушылықпен атай отырып, Президенттер Қазақстан Республикасы мен Түрікменстанның өңірлері арасындағы көп қырлы қарым-қатынасты кеңейтуді жақтады.

Тараптар қолда бар әлеуетін іске қосу мақсатында сыртқы нарыққа тез арада және тиімді шығуды қамтамасыз ететін көлік-коммуникация саласындағы ынтымақтастықты жандандыруға дайын екендіктерін білдіреді.

Тараптар «Қытай – Қазақстан – Түрікменстан – Иран» көлік дәлізін оның тартымдылығын жоғарылату арқылы дамытуды, сондай-ақ көлік коммуникацияларын әртараптандыру мақсатында жаңа бағдарларды пысықтауды жалғастырады. Қазақстан Республикасы мен Түрікменстан аумағы бойынша көлік транзитін қамтамасыз ететін «Өзен (Қазақстан) – Гызылгая – Берекет – Этрек (Түрікменстан) – Горган (Иран)» магистралін бірлескен жобаларды іске асыру кезінде басым бағдар болады деп есептей отырып, бұл арқылы теміржол тасымалдарын жүзеге асырудағы ынтымақтастықты одан әрі дамыту қажеттігін атап өтеді.

Президенттер мемлекетаралық қарым-қатынастың іргетасы болып саналатын мәдени-гуманитарлық саладағы ынтымақтастықты кеңейтудің маңыздылығын атап көрсетеді. Білім, ғылым, туризм және денсаулық сақтау салаларында өзара іс-қимылды жандандыру туралы уағдаластыққа қол жеткізілді. Тараптар жоғары оқу орындары арасында байланыстар орнатылғанын құптады.

Мемлекет басшылары өзара негізде 2023-2024 жылдары Қазақстан Республикасы мен Түрікменстан Мәдениет күндерін ұйымдастыруды тапсырды. Тараптар бірлескен телевизиялық жобалар, көрмелер, фестивальдер мен өзге де мәдени іс-шаралар өткізуге, ортақ тарихи және мәдени мұраны сақтау мен ілгерілету мақсатында күш біріктіруге дайын екендіктерін білдіреді.

Президенттер экологиялық проблемаларды шешуге, оның ішінде судың, атмосфералық ауаның ластануын, топырақ эрозиясын азайтуға, сондай-ақ табиғи апаттар қатерін төмендетуге бағытталған келісілген шараларды қабылдау қажеттігімен келісті.

Арал және Каспий теңіздерінің бассейнінде, әсіресе экологиялық дағдарысқа ұшыраған аймақтарда әлеуметтік-экономикалық және экологиялық жағдайды оңалтумен байланысты проблемаларды кешенді шешу үшін күш біріктіру қажеттігін растады. Орталық Азиядағы барлық мемлекеттердің мүдделері мен қатысуын ескере отырып, Халықаралық Аралды құтқару қорының ұйымдық құрылымы мен шарттық-құқықтық базасын жетілдіру бойынша бірлесіп күш салуға жәрдемдесуге дайын екендігі айтылды. Жаһандық климаттың өзгеруі мен теңізді қоректендіретін өзендер ағынының азаюына байланысты Каспий теңізінің тартылып бар жатқанына алаңдаушылық білдірілді.

Мемлекет басшылары Орталық Азия трансшекаралық өзендерінің су ресурстары өңір халықтарының ортақ игілігі болып табылады және қазір өмір сүріп жатқан ондаған миллион адамдар мен болашақ ұрпақтардың тағдыры, бүкіл өңірдің тұрақтылығы мен әл-ауқаты осы ресурстардың әділ де ұтымды пайдаланылуына тәуелді деп мәлімдеді. Осыған орай олар өзара түсіністікті нығайтуды және сындарлы ынтымақтастықты дамытуды, сондай-ақ өзара қолайлы да әділ шешімдер іздестіруді қолдайды.

Мемлекет басшылары келіссөздер мен сапар шеңберінде қол қойылған құжаттар әртүрлі салалардағы екіжақты ынтымақтастықты одан әрі дамытуға жаңа серпін беретініне және Қазақстан Республикасы мен Түрікменстанның бауырлас халықтарының мүдделеріне қызмет ететініне сенім білдірді.

Түрікменстан Президенті Сердар Бердымухамедов Қазақстан Республикасының Президенті Қасым-Жомарт Тоқаевқа және күллі Қазақстан халқына өзіне көрсетілген қонақжайлық, құшақ жая жылы шыраймен қабылдағаны үшін шын жүректен алғысын білдіріп, Қазақстан Президентін өзіне ыңғайлы уақытта Түрікменстанға қарымта сапармен келуге шақырды.

Қазақстан Президенті шақыруды ризашылықпен қабыл алды. Сапар мерзімдері дипломатиялық арналар арқылы келісілетін болады.

Кері қайту Кері қайту

kaynak:https://www.akorda.kz/kz/kazakstan-prezidenti-kasym-zhomart-tokaevtyn-zhane-turikmenstan-prezidenti-serdar-berdymuhamedovtyn-birlesken-malimdemesi-159182

 

 

 

]]> Қазақстан Президенті БҰҰ Бас хатшысымен кездесті https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b1%d2%b1%d2%b1-%d0%b1%d0%b0%d1%81-%d1%85%d0%b0%d1%82%d1%88%d1%8b%d1%81%d1%8b-2-h35557.html Fri, 23 Sep 2022 09:06:09 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b1%d2%b1%d2%b1-%d0%b1%d0%b0%d1%81-%d1%85%d0%b0%d1%82%d1%88%d1%8b%d1%81%d1%8b-2-h35557.html

 

 

 

Жаңалықтар

Халықаралық қоғамдастық

Қазақстан Президенті БҰҰ Бас хатшысымен кездесті

2022 жылғы

АҚШ, Нью-Йорк қаласы, БҰҰ штаб-пәтері

Қасым-Жомарт Тоқаев Нью-Йоркке жұмыс сапарының соңында БҰҰ Бас хатшысы Антониу Гутерришпен келіссөз жүргізді.

Конструктивті және достық жағдайында өткен кездесуде Қазақстан мен БҰҰ арасындағы ынтымақтастықты нығайтудың жай-күйі мен перспективалары талқыланды.

Сондай-ақ қазіргі заманның өзекті сын-қатерлерін шешудің ұжымдық әдістерін әзірлеуге бағытталған күш-жігерге ерекше назар аударылды.

Қасым-Жомарт Тоқаев Антониу Гутерриштің БҰҰ Бас хатшысы лауазымындағы қызметін жоғары бағалап, оның 2023 жылы «Болашақ саммитін» шақыру туралы бастамасын толық қолдайтынын жеткізді. Президент осы маңызды жиынның қорытындысы Орнықты даму мақсаттарын жүзеге асыруға ықпал ететініне сенім білдірді.

Бұдан бөлек, тараптар Мемлекет басшысының Алматы қаласында Орталық Азия мен Ауғанстан үшін Орнықты даму мақсаттары жөніндегі БҰҰ хабын құру бастамасының жүзеге асырылу барысын қарастырды. БҰҰ Бас хатшысы бұл маңызды бастаманы қолдайтынын айтты.

Кездесу соңында Қасым-Жомарт Тоқаев Антониу Гутерришті Қазақстанға сапармен келуге шақырды.

Кері қайту Кері қайту

Kaynak:https://akorda.kz/kz/kazakstan-prezidenti-buu-bas-hatshysymen-kezdesti-218458

 

 

]]> Қазақстан Президенті ҰҚШҰ Ұжымдық қауіпсіздік кеңесінің кезектен тыс сессиясына қатысты https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d2%b1%d2%9b%d1%88%d2%b1-%d2%b1%d0%b6%d1%8b%d0%bc%d0%b4%d1%8b%d2%9b-%d2%9b%d0%b0-h35235.html Wed, 14 Sep 2022 15:06:53 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d2%b1%d2%9b%d1%88%d2%b1-%d2%b1%d0%b6%d1%8b%d0%bc%d0%b4%d1%8b%d2%9b-%d2%9b%d0%b0-h35235.html

 

 

 

 

Жаңалықтар

Ақорда

Қазақстан Президенті ҰҚШҰ Ұжымдық қауіпсіздік кеңесінің кезектен тыс сессиясына қатысты

2022 жылғы

Қасым-Жомарт Тоқаев Ұжымдық қауіпсіздік туралы шарт ұйымы Ұжымдық қауіпсіздік кеңесінің кезектен тыс сессиясына қатысты.

Армения Республикасының ұсынысымен өткен отырыс бейнебайланыс режимінде өтті.

Сонымен қатар саммитке Қырғызстан Президенті Садыр Жапаров, Ресей Президенті Владимир Путин, Тәжікстан Премьер-министрі Кохир Расулзода, Армения Премьер-министрі Никол Пашинян, Беларусь Қауіпсіздік Кеңесінің Мемлекеттік хатшысы Александр Вольфович, ҰҚШҰ Бас хатшысының орынбасары Валерий Семериков қатысты.

 

Мемлекеттер басшылары әзербайжан-армян мемлекеттік шекарасында болған оқиғаларға қатысты Армения Премьер-министрінің мәліметін тыңдады.

Қазақстан Президенті сессияға қатысушылар алдында сөйлеген сөзінде қақтығысты тек саяси-дипломатиялық жолдармен шешу қажет екенін атап өтті.

Қасым-Жомарт Тоқаев жағдайды тұрақтандыру үшін мүмкін болған барлық шараны қабылдауға, күштік құрылымдарды пайдаланудан бас тартуға, шұғыл түрде келіссөз жүргізуге шақырды.

 

Кері қайту Кері қайту

kaynak:https://www.akorda.kz/kz/kazakstan-prezidenti-ukshu-uzhymdyk-kauipsizdik-kenesinin-kezekten-tys-sessiyasyna-katysty-148330

 

 

 

]]> Қазақстан Президенті мен Сауд Арабиясының Тақ мұрагері келіссөз жүргізді https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%bc%d0%b5%d0%bd-%d1%81%d0%b0%d1%83%d0%b4-%d0%b0%d1%80%d0%b0%d0%b1%d0%b8%d1%8f-h33091.html Sun, 24 Jul 2022 06:19:31 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%bc%d0%b5%d0%bd-%d1%81%d0%b0%d1%83%d0%b4-%d0%b0%d1%80%d0%b0%d0%b1%d0%b8%d1%8f-h33091.html

 

 

 

 

Жаңалықтар

Халықаралық қоғамдастық

Қазақстан Президенті мен Сауд Арабиясының Тақ мұрагері келіссөз жүргізді

2022 жылғы 24 шілде

Сауд Арабиясы Корольдігі, Джидда қаласы

Мемлекет басшысы Қасым-Жомарт Тоқаев Қос Киенің сақшысы – Сауд Арабиясының Королі Салман бен Әбделазиз Әл Саудтың шақыруымен Джидда қаласына ресми сапармен келді.

 

Қазақстан Президентін әуежайда Корольдің кеңесшісі әрі Мекке провинциясының губернаторы Фейсал Халид бен Әбделазиз, сондай-ақ Сауд Арабиясы Корольдігінің Қоршаған ортаны қорғау, су ресурстары және ауыл шаруашылығы министрі Абдурахман Әл-Фадли қарсы алды.

 

Содан кейін Президент ресми кездесу өткізу үшін Корольдің «Қаср Ас-Салам» сарайына барды.

Құрмет қарауылының бастығы екі ел басшыларына рапорт берді. Қазақстан мен Сауд Арабиясының әнұрандары шырқалғаннан кейін Қасым-Жомарт Тоқаев пен Тақ мұрагері Мұхаммед бен Салман бен Әбделазиз Әл Саудқа ресми делегациялардың мүшелері таныстырылды.

 

Бұдан кейін Мемлекет басшысы мен Тақ мұрагері келіссөз жүргізді.

Қасым-Жомарт Тоқаев Мұхаммед бен Салман бен Әбделазиз Әл Саудқа ілтипат білдіріп, шақырғаны және қонақжайлық көрсеткені үшін Сауд Арабиясының Королі мен Тақ мұрагеріне алғыс айтты.

 

Қазақстан Президентінің айтуынша, Мемлекет басшысы ретінде Сауд Арабиясына алғаш рет келгендіктен, бұл сапардың маңызы зор.

Қасым-Жомарт Тоқаев Сауд Арабиясы Қазақстанның басты стратегиялық серіктестерінің бірі екенін атап өтті.

– Сауд Арабиясы – Қазақстанның тәуелсіздігін бірінші болып мойындаған елдердің бірі. Осы кезеңде түрлі бағыттағы ынтымақтастығымыз нығая түсті. Қазір қазақ-сауд қатынастары жоғары деңгейде. Дегенмен, екі ел арасындағы ынтымақтастыққа тың серпін беретін кез келді. Бұл – елдеріміздің мүддесіне сай келетін ортақ шешім. Біздің өзара тиімді байланыстарымыз нығая береді деп сенемін, – деді Мемлекет басшысы.

 

Келіссөз барысында сауда-экономикалық және инвестициялық ынтымақтастық мәселелері талқыланды. Қазақстан Сауд инвесторлары үшін өзара мүддені көздейтін түрлі перспективті салалар бойынша ерекше шарттар мен кең көлемде артықшылықтар ұсынуға дайын.

Тараптар өзара тауар айналымын едәуір арттыруға ниетті екенін және жуық арада екі ел үкіметтерінің бұл бағыттағы жұмыстарды жандандыратынын нақтылады.

 

Мұхаммед бен Салман бен Әбделазиз Әл Сауд елдеріміз арасындағы қатынастар деңгейі жақсы екенін атап өтіп, оны әрі қарай нығайтып, дамыту үшін мүмкіндіктер мол екенін айтты. Сондай-ақ бұл бағыттағы жұмыстарды жандандыру қажет екеніне тоқталды. Оның айтуынша, бұл ретте Қазақстан мен Сауд Арабиясының бизнесмендерін біріктіретін Іскерлік кеңестің рөлі зор болмақ.

Тақ мұрагері Мемлекет басшысының ресми сапары аясында өтетін Инвестициялық дөңгелек үстелге Корольдіктің ірі компанияларының өкілдері қатысатынын жеткізді.

Оның айтуынша, қазіргі жағдайда Сауд Арабиясының Мемлекеттік инвестициялық қоры үйлестіретін бірқатар жоба бойынша бірлескен жұмыс маңызды саналады.

Атап айтқанда, Мұхаммед бен Салман бен Әбделазиз Әл Сауд Корольдіктің компаниялары Қазақстанның аграрлық саласына инвестиция салуға қызығушылық танытып отыр. Оның пікірінше, бұл бағыт жаһандық азық-түлік дағдарысы жағдайында аса өзекті бола түседі.

Қасым-Жомарт Тоқаев Тақ мұрагерін Қазақстанға мемлекеттік сапармен келуге шақырды.

Мұхаммед бен Салман бұл шақыруды қуана қабылдайтынын айтып, қол жеткізілген уағдаластықтарды жүзеге асырудың нақты нәтижелерін талқылау үшін Қазақстанға сапармен келуге дайын екенін жеткізді.

 

 

 

 

Кері қайту Кері қайту

kaynak:https://www.akorda.kz/kz/kazakstan-prezidenti-men-saud-arabiyasynyn-tak-murageri-kelissoz-zhurgizdi-2465943

 

 

]]> Қазақстан Президенті БРИКС+ ұйымының жаһандық даму жөніндегі жоғары деңгейлі диалогына қатысты https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b1%d1%80%d0%b8%d0%ba%d1%81-%d2%b1%d0%b9%d1%8b%d0%bc%d1%8b%d0%bd%d1%8b%d2%a3-h31908.html Sun, 26 Jun 2022 06:14:16 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b1%d1%80%d0%b8%d0%ba%d1%81-%d2%b1%d0%b9%d1%8b%d0%bc%d1%8b%d0%bd%d1%8b%d2%a3-h31908.html

 

 

Жаңалықтар

Ақорда

Қазақстан Президенті БРИКС+ ұйымының жаһандық даму жөніндегі жоғары деңгейлі диалогына қатысты

2022 жылғы
Қасым-Жомарт Тоқаев ҚХР Төрағасы Си Цзиньпиннің шақыруымен БРИКС+ ұйымының жаһандық даму жөніндегі жоғары деңгейлі диалогына онлайн форматта қатысты.

«БРИКС елдері арасында жоғары деңгейдегі серіктестік қатынас орнату, жаһандық дамудың жаңа дәуірін құру» атты тақырыптағы БРИКС-тің 14-саммиті Қытайдың төрағалығымен өтіп жатыр.

Қазақстан Президенті жиын қатысушыларына ілтипат білдіре отырып, осы маңызды іс-шараға шақырғаны және ұйымдастырғаны үшін ҚХР Төрағасы Си Цзиньпинге ризашылығын білдірді.

– Қазақстан БРИКС-ті ықпалды ұйым әрі әлемдік экономиканың өсімін өрге сүйреп келе жатқан негізгі күштердің бірі ретінде қарастырады. Қазақстан БРИКС елдерімен қарқынды серіктестікті дамытуға мүдделі. Сондай-ақ былтыр бұл Ұйымға мүше елдермен арадағы тауар айналымы 45 миллиард АҚШ долларынан асты. Осыған орай алдағы уақытта бұл көрсеткішті арттыру үшін мол мүмкіндік бар, – деді Президент.

 

Қасым-Жомарт Тоқаев әлемдік даму жөнінде айта келе, қазір дүниежүзі бұрын-соңды болмаған геосаяси және экономикалық тұрақсыздықпен бетпе-бет келіп отырғанына назар аударды. Атап айтқанда, Президент азық-түлік қауіпсіздігі мәселесінің қиындап кеткеніне мән берді.

– Соңғы бірнеше айда әлемде азық-түлік мәселесіне қатысты жағдай күрделеніп кетті. Егер азық-түлік жеткізу желісінің бұзылуы жалғаса берсе, миллиондаған адамның өміріне қауіп төнеді. Бүгінде әлемдегі ең ірі азық-түлік өндірушілердің төрттен үші БРИКС елдері және осы Ұйымға мүше мемлекеттердің ауыл шаруашылығы бойынша жалпы ішкі өнімі бүкіләлемдік өнімнің жартысынан астамын құрайды, – деді Қазақстан Президенті.

Қасым-Жомарт Тоқаев азық-түлік дағдарысын тиімді еңсеру ісі оған төтеп беру жөніндегі қысқа және ұзақ мерзімді халықаралық шаралардың үйлесімді болуын қажет ететінін айтты.

– Қазақстан өзінің ауыл шаруашылығы саласындағы мол әлеуетін пайдалана отырып, осы игі іске үлес қосуға дайын. Азық-түлік қауіпсіздігін қамтамасыз ету азық-түлік және ауыл шаруашылығы өнімдерін сату жүйесінің дұрыс жұмыс істеуін талап етеді. Бұл жұмыстар әділдік пен тепе-теңдік қағидатына негізделуі керек. Осыған байланысты жақында ғана Қазақстанның төрағалығымен өткен Дүниежүзілік сауда ұйымына мүше елдер министрлерінің 12-конференциясы тиісті келіссөздерге жаңа саяси бағыт берді, – деді Мемлекет басшысы.

Қасым-Жомарт Тоқаев әлем бойынша инфляцияның қарқынды өсуі шешімін қажет ететін тағы бір өзекті міндет екенін атап өтті. Оның айтуынша, қаржы ахуалының нашарлауы қарызы көп мемлекеттерге, бизнес пен отбасылардың тұрмыстық жағдайына ауыр тиіп қана қоймай, жаһандық жеткізу желісінің бұзылуына әкеп соқтырады.

– Қазақстан Шығыс пен Батыс, Оңтүстік пен Солтүстік арасындағы «аралық нарық» ретінде пайдасын тигізе алады. Ұзақ мерзімді перспективада бізге ашық, әділ, өзара үйлесімді әрі орнықты жаһандық экономиканы сақтап қалу керек. Бұл ретте, өсім мен өзара байланыстылықтың жаңа дәуіріне жол ашатын БРИКС+ және «Бір – белдеу, бір – жол», сондай-ақ Үлкен Еуразиялық серіктестік бастамаларының мол әлеуеті бар екенін көріп отырмын, – деді Президент.

Сонымен қатар Мемлекет басшысы климаттың өзгеруіне қатысты мәселеге тоқталып, 2060 жылға қарай көміртегіне бейтараптыққа қол жеткізу үшін Қазақстанның қабылдаған міндеттері туралы айтты. Президент еліміздің энергетикалық балансына атом энергетикасын қосу жоспарына тоқталды. Осы ретте, техникалық көмек және климаттың өзгеруіне қарсы күрестегі әлеуетті күшейту саласы бойынша БРИКС елдерімен тығыз ынтымақтастық орнатуға бейілді екенін растады.

Мемлекет басшысы халықаралық институттардың жаһандық сын-тегеуріндермен күресте жалғыз механизм болып отырғанын атап өтіп, көпжақты дағдарысқа және жаһандық басқаруға баса мән берді. Оның айтуынша, жаһандық серіктестіктің жаңа түрлерін өзара тиімді диалогқа алмастыру қажет. Атап айтқанда, Қасым-Жомарт Тоқаев «Адамзаттың біртұтас тағдыры қоғамдастығы» тұжырымдамасын және Төраға Си Цзиньпин ұсынған Жаһандық қауіпсіздік және Жаһандық даму бастамаларын құптады.

 

Президент Орнықты даму саласындағы мақсаттарға қол жеткізудің маңызды екеніне назар аударды.

– БҰҰ Бас хатшысы Антониу Гутерриштің Саммитті келесі жылы шақыру арқылы БҰҰ-ның 2030 жылға дейінгі күн тәртібін жүзеге асыруға күш салу жөніндегі белсенділігін құптаймын. Біз барлығын, әсіресе, әйелдерді, жастар мен балаларды, егде адамдар мен мүмкіндігі шектеулі жандарды ескерусіз қалдырмай, өз міндеттемелерімізді нақтылауымыз қажет. БРИКС+ елдері Солтүстік пен Оңтүстік арасындағы алшақтықты қысқартуға және дамудағы теңсіздікті жоюға өз үлесін қоса алар еді, – деді Мемлекет басшысы.

Сонымен қатар Қасым-Жомарт Тоқаев 2030 жылға дейінгі күн тәртібін жүзеге асыру аясында аймақтық ықпалдастықтың маңызды екеніне баса мән берді.

– Біз Алматы қаласында Орталық Азия мен Ауғанстанның орнықты дамуын көздейтін БҰҰ Орталығын ашу жөніндегі идеяны ілгерілете береміз. Су, энергетика және азық-түлік қауіпсіздігіне қатысты аймақтағы ушығып келе жатқан қатермен күресуіміз қажет, – деді Мемлекет басшысы.

Қазақстан Президенті сөзін қорытындылай келе, әрбір дағдарыстың қауіпті жағы да, мүмкіндігі де бар екенін атап өтті.

– Бұл жерде біз адамдардың мүддесі бәрінен жоғары деген адамгершілік қағидатын басшылыққа алуға тиспіз. БРИКС плюс платформасы осы игі іске лайықты үлесін қосады деп сенемін. Қазақстан өзінің ұлттық мүдделерін жаһандық міндеттемелермен үйлестіруге толық әзір, – деді Қасым-Жомарт Тоқаев.

Іс-шараға Қазақстан мен Қытай көшбасшыларынан бөлек Ресей Президенті Владимир Путин, Үндістан Премьер-министрі Нарендра Моди, ОАР Президенті Сирил Рамафоса, Бразилия Вице-президенті Амилтон Моурао, Алжир Президенті Әбделмәжид Теббун, Аргентина Президенті Альберто Фернандес, Мысыр Президенті Әбдел Фаттах Ас-Сиси, Индонезия Президенті Джоко Видодо, Иран Президенті Ибрахим Раиси, Сенегал Президенті Маки Салл, Өзбекстан Президенті Шавкат Мирзиёев, Малайзия Премьер-министрі Исмаил Сабри Якуб, Таиланд Премьер-министрі Прают Чан-Оча, Камбоджа Премьер-министрі Хун Сен, Эфиопия Премьер-министрі Абий Ахмед Әли, Фиджи Премьер-министрі Джосайя Вореке Байнимарама қатысты.

Кері қайту Кері қайту

kaynak:https://www.akorda.kz/kz/kazakstan-prezidenti-briks-uyymynyn-zhahandyk-damu-zhonindegi-zhogary-dengeyli-dialogyna-katysty-2453330

 

 

]]> Қазақстан Президенті Қатар экономикалық форумының арнайы панельдік сессиясына қатысты https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d2%9b%d0%b0%d1%82%d0%b0%d1%80-%d1%8d%d0%ba%d0%be%d0%bd%d0%be%d0%bc%d0%b8%d0%ba-h31770.html Wed, 22 Jun 2022 17:16:33 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d2%9b%d0%b0%d1%82%d0%b0%d1%80-%d1%8d%d0%ba%d0%be%d0%bd%d0%be%d0%bc%d0%b8%d0%ba-h31770.html

 

 

 

 

 

 

 

Жаңалықтар

Халықаралық қоғамдастық

Қазақстан Президенті Қатар экономикалық форумының арнайы панельдік сессиясына қатысты

2022 жылғы

Қатар Мемлекеті, Доха қаласы

 

Қасым-Жомарт Тоқаев «In Conversation with President Tokayev» атты арнайы панельдік сессияға қатысты. Жиынға «Bloomberg Television» жүргізушісі Манус Крэнни модераторлық жасады.

Сұрақ-жауап форматында өткен ашық талқылау барысында Қазақстан Президенті халықаралық саясаттағы сын-қатерлер бойынша, әсіресе Еуропада болып жатқан геосаяси текетірестер аясында Ресей-Украина қақтығыстары төңірегіндегі оқиғаларға қатысты бірқатар сұраққа жауап берді.

 

Ресей-Украина қақтығысын бейбіт жолмен шешу жолдарына қатысты сұраққа жауап берген Қазақстан Президенті келіссөздерді жалғастыра берудің маңызды екенін атап өтті. Қасым-Жомарт Тоқаевтың пікірінше, бұл қақтығысты шешуге тараптардың ерік-жігері қажет. Сонымен қатар Мемлекет басшысы халықаралық қауымдастықтағы пікір қайшылығы мен аталған мәселені шешуде БҰҰ Қауіпсіздік Кеңесінің қауқарсыздық танытып отырғанына тоқталды.

– БҰҰ ешқашан мұндай ыңғайсыз жағдайға тап болған емес. Тіпті «Қырғи-қабақ соғыс» кезінде де Біріккен Ұлттар Ұйымының бірлігі бұдан әлдеқайда мығым еді. Мен БҰҰ-ның болашағына қатты алаңдаймын. Осы ретте, көпқырлы саясатқа сенемін. Бұл ретте мен халықаралық қауымдастықтың бірлік танытып, ынтымақтаса отырып, екі мемлекеттің бейбіт бітімге келуі үшін оң ықпал етуі керек деп санаймын, – деді Мемлекет басшысы.

 

Сонымен қатар Президент Ресейге салынған ауыр санкциялық саясат салдарынан Қазақстан қандай экономикалық зардап шегуі мүмкін деген модератордың сұрақтарына жауап берді.

Ашық әңгіме барысында әлемдік энергетика нарығында қалыптасқан қазіргі жағдайға, халықаралық сауда мәселесіне байланысты ғаламдық сын-қатерлер де талқыланды.

 

 

 

 

Кері қайту Кері қайту

kaynak:https://www.akorda.kz/kz/kazakstan-prezidenti-katar-ekonomikalyk-forumynyn-arnayy-paneldik-sessiyasyna-katysty-2154617

 

 

 

 

]]> Қазақстан Президенті БҰҰ Бас хатшысының бірінші орынбасарын қабылдады https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b1%d2%b1%d2%b1-%d0%b1%d0%b0%d1%81-%d1%85%d0%b0%d1%82%d1%88%d1%8b%d1%81%d1%8b-h31282.html Fri, 10 Jun 2022 15:04:00 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b1%d2%b1%d2%b1-%d0%b1%d0%b0%d1%81-%d1%85%d0%b0%d1%82%d1%88%d1%8b%d1%81%d1%8b-h31282.html

 

 

Жаңалықтар

Ақорда

Қазақстан Президенті БҰҰ Бас хатшысының бірінші орынбасарын қабылдады

2022 жылғы

Мемлекет басшысы Қасым-Жомарт Тоқаев Орталық Азияға сапары аясында Қазақстанға келген БҰҰ Бас хатшысының бірінші орынбасары Амина Мұхаммедті қабылдады.

Кездесу барысында Қазақстан мен БҰҰ арасындағы ынтымақтастықтың басым бағыттары қарастырылды. Орнықты даму мақсаттарына қол жеткізу, климаттың өзгеруіне қарсы күрес, пандемияға қарсы іс-қимыл және гендерлік теңдік пен адам құқықтарын қамтамасыз ету жөніндегі бірлескен күш-жігерге ерекше назар аударылды.

 

Қасым-Жомарт Тоқаев Амина Мұхаммедке ілтипат білдіре отырып, лауазымды қызметке қайта сайлануымен құттықтады. Оның бұл сапары еліміздің тарихындағы бетбұрыс кезең – жалпыұлттық референдум өткізумен тұспа-тұс келгенін атап өтті. Сондай-ақ референдум қорытындылары Жаңа Қазақстанды құру ісіне кірісуге мүмкіндік беретінін айтты.

Президент көпжақтылық қағидаты мен халықаралық дипломатияны қалыптастырып, дамытуда дүниежүзілік ұйымның ерекше рөл атқаратынын атап өтті. Қасым-Жомарт Тоқаев Қазақстанның БҰҰ-мен арадағы ынтымақтастықты одан әрі жан-жақты нығайтуға бейілді екеніне тоқталып, оның жаһандық проблемаларды шешу жөніндегі күн тәртібін толық қолдайтынын жеткізді.

Қазақстан Президенті БҰҰ Бас хатшысы Антониу Гутерриштің бейбітшілік пен жаһандық қауіпсіздік мәселелері жөніндегі жаңа күн тәртібін әзірлеу үшін 2023 жылы жоғары деңгейдегі «Болашақтың саммитін» шақыру туралы бастамасын құптады.

Мемлекет басшысы қазіргі заманның күрделі сын-қатерлері жағдайында орнықты даму саласындағы мақсаттарға қол жеткізу үшін кезек күттірмейтін және ауқымды шаралар қабылдаудың маңызды екенін атап өтті.

Сонымен қатар Мемлекет басшысы азық-түлік қауіпсіздігін қамтамасыз ету, мұқтаж елдерге гуманитарлық көмек көрсету үшін Қазақстан тарапынан қабылданып жатқан шешімдер туралы айтты.

Қасым-Жомарт Тоқаев әйелдер мен қыздарға қатысты зорлық-зомбылықтың барлық түрін жою жөніндегі Орталық Азия мен Ауғанстанға арналған SpotLight Initiative өңірлік бағдарламасын жүзеге асыру ісіндегі Амина Мұхаммедтің көшбасшылығын жоғары бағалады.

Өз кезегінде Амина Мұхаммед Мемлекет басшысына БҰҰ Бас хатшысының жүрекжарды сәлемін жеткізді. Сондай-ақ Қасым-Жомарт Тоқаевтың басшылығымен елімізде жүзеге асырылып жатқан ауқымды реформаларды қолдайтынын айтып, референдумның сәтті өтуімен құттықтады.

БҰҰ Бас хатшысының бірінші орынбасары Қазақстан мен БҰҰ-ның 30 жыл ішінде орнатқан көпжақты серіктестігінің деңгейіне жоғары баға берді.

Сонымен қатар әңгімелесу барысында Ауғанстан мәселесі қарастырылды. Амина Мұхаммед Ауғанстанды әлеуметтік-экономикалық тұрғыдан қайта қалпына келтіруге байланысты проблемаларды шешуде халықаралық күш-жігерді жандандырудың маңызды екенін айтты.

 

Кері қайту Кері қайту

kaynak:https://www.akorda.kz/kz/kazakstan-prezidenti-buu-bas-hatshysynyn-birinshi-orynbasaryn-kabyldady-953726

 

 

 

]]> Қазақстан Президенті Сауд Арабиясының Сыртқы істер министрін қабылдады https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d1%81%d0%b0%d1%83%d0%b4-%d0%b0%d1%80%d0%b0%d0%b1%d0%b8%d1%8f%d1%81%d1%8b%d0%bd-h31118.html Tue, 07 Jun 2022 04:04:53 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d1%81%d0%b0%d1%83%d0%b4-%d0%b0%d1%80%d0%b0%d0%b1%d0%b8%d1%8f%d1%81%d1%8b%d0%bd-h31118.html

 

 

 

Жаңалықтар
Ақорда

Қазақстан Президенті Сауд Арабиясының Сыртқы істер министрін қабылдады

2022 жылғы 06 маусым

Мемлекет басшысы Қазақстанға ресми сапармен келген Сауд Арабиясы Корольдігінің Сыртқы істер министрі Фейсал бен Фархан Әл Саудты қабылдады.

Кездесу барысында саяси, сауда-экономикалық, инвестициялық және мәдени-гуманитарлық ынтымақтастықты нығайтуға баса мән бере отырып, Қазақстан мен Сауд Арабиясы арасындағы қатынастарды дамытудың перспективалары талқыланды.

 

Мемлекет басшысы Корольдіктің сыртқы саяси ведомство басшысына ілтипат білдіре отырып, оның бұл сапары еліміздің тарихындағы бетбұрысты сәтпен – жалпыұлттық референдуммен тұспа-тұс келгенін атап өтті. Аталған аса маңызды шараның қорытындысы Жаңа Қазақстан құруға кірісуге мүмкіндік береді.

Қасым-Жомарт Тоқаев Сауд Арабиясы Қазақстанның араб және ислам әлеміндегі басты серіктесінің бірі екенін атап өтті.

– Елдеріміз ортақ құндылықтарға негізделген саяси диалогты достық пен өзара сенім рухында дәйекті түрде дамыта береді. Қос киенің сақшысы Король Салман бен Әбдел Әзизбен және Тақ мұрагері Мұхаммед бен Салманмен арадағы табысты ынтымақтастықты одан әрі жалғастыруға дайын екенімізді білдіремін, – деді Президент.

Қасым-Жомарт Тоқаев ауыл шаруашылығы, мұнай химиясы, туризм, тау-кен металлургиясы және қаржы салаларындағы бірлескен жобаларды жүзеге асыру үшін қолайлы инвестициялық мүмкіндіктердің бар екеніне назар аударды.

Бұл ретте Мемлекет басшысы Қазақстан мен Сауд Арабиясының үкіметаралық комиссиясы мен Іскерлік кеңестің жұмысын жандандыру маңызды екеніне тоқталды. Сондай-ақ тиісті келіссөздерді жүргізу үшін өкілетті үкіметтік делегацияны Эр-Риядқа жіберуге дайын екенін айтты.

Бұдан бөлек Мемлекет басшысы Мекке мен Мединеде қазақстандық қажыларға қажетті жағдай жасалатыны және дәстүрлі қонақжайлық көрсетілетіні үшін Корольдіктің басшылығына ризашылығын білдірді.

Фейсал бен Фархан Сауд Арабиясы Королі мен Тақ мұрагерінің Президент Қасым-Жомарт Тоқаевқа және Қазақстан халқына жолдаған сәлемін жеткізді.

Министр екі мемлекет арасындағы қарым-қатынастардың дәйекті түрде дамып келе жатқанын атап өтті. Сондай-ақ Корольдік басшылығының дипломатиялық байланыстар орнағаннан бергі жан-жақты ынтымақтастық бағыттағы жетістіктерді жоғары бағалайтынын айтты.

Саудиялық дипломат Қазақстан Президентін елімізде референдумның табысты өтуімен құттықтады.

– Сауд Арабиясы Корольдігі Сіздің басшылығыңызбен Екінші Республиканы құру ісінде және Қазақстанның одан әрі өркендеуіне бағытталған ауқымды реформаларды жүзеге асыруды жалғастыруда табыс тілейді, – деді министр.

Фейсал бен Фархан Әл Сауд сауда-экономикалық және инвестициялық ықпалдастықты нығайтудың перспективаларын егжей-тегжейлі талқылау үшін қазақстандық серіктестермен кездесу ұйымдастыруға сауд тарапы дайын екенін жеткізді. Бұл жуық арада Қазақстанда жоғары деңгейдегі кездесу өткізу үшін берік негіз болады.

Сонымен қатар кездесуде олар халықаралық күн тәртібінің өзекті мәселелері жөнінде пікір алмасты.

Әңгімелесу соңында Қасым-Жомарт Тоқаев Король Салман бен Әбдел Әзизге және Тақ мұрагері Мұхаммед бен Салман Әл Саудқа жүрекжарды сәлемін жолдады.

Кері қайту Кері қайту

 

kaynak:https://www.akorda.kz/kz/kazakstan-prezidenti-saud-arabiyasynyn-syrtky-ister-ministrin-kabyldady-652047

 

 

 

]]> Қазақстан Президенті Бішкекте Абай ескерткішінің ашылу рәсіміне қатысты 2022 жылғы 26 мамыр https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b1%d1%96%d1%88%d0%ba%d0%b5%d0%ba%d1%82%d0%b5-%d0%b0%d0%b1%d0%b0%d0%b9-%d0%b5-h30591.html Fri, 27 May 2022 12:05:09 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b1%d1%96%d1%88%d0%ba%d0%b5%d0%ba%d1%82%d0%b5-%d0%b0%d0%b1%d0%b0%d0%b9-%d0%b5-h30591.html

 

 

 

 

Жаңалықтар

Халықаралық қоғамдастық

Қазақстан Президенті Бішкекте Абай ескерткішінің ашылу рәсіміне қатысты
2022 жылғы 26 мамыр

Қырғыз Республикасы, Бішкек қаласы

 

Қасым-Жомарт Тоқаев пен Садыр Жапаров Қырғызстан астанасындағы «Театр» гүлзарының орталық аллеясына қойылған Ұлы Абай ескерткішінің ашылу салтанатына қатысты.

Мемлекет басшысы бұл күнді қазақ пен қырғыздың рухани өміріндегі ерекше күн ретінде бағалап, Бішкек төрінде Абай ескерткішінің бой көтеруін қырғыз елінің қазақ халқына деген айрықша құрметінің белгісі деп атап өтті.

 

Қасым-Жомарт Тоқаев осы игі бастамаға қолдау көрсеткені үшін Садыр Жапаровқа зор ризашылығын білдіріп, бұл қадам Алатаудың бөктерін қатар жайлаған екі елдің бауырластығын бекемдей түсетінін айтты.

– Ағайын елдердің тамырластығын кезінде Абай да айтқан. Ұлы ақын қазақтың тарихына тоқталған кезде қырғыз бауырларды ерекше атап өткен. Ол «Еш қазақ қырғыз бен қазақтың бір тұқымдас екеніне таласпайды» деген. Шын мәнінде, екі ұлттың тегі мен тілі бір, жүрегі мен тілегі бір. Айыр қалпақты ағайынға біздің ықыласымыз қашанда ерекше. Көп ұзамай елімізде Манас ескерткіші бой көтереді. Бұл есім қазақ арасында өте танымал. Әйгілі Манасқа құрметіміз ерекше. Манастану ғылымының негізін қалаған Шоқан Уәлиханов екенін еске салғым келеді. «Манас» жырының тағдыры тартысқа түскен кезде оған Мұхтар Әуезов араша түскенін білеміз, – деді Қазақстан Президенті.

 

Қасым-Жомарт Тоқаев осының бәрін бір-бірімізге деген жанашырлық пен тілектестіктің көрінісі деп атап өтіп, екі елдің бауырластығы мен достығы ешқашан мызғымайтынына сенім білдірді. Сондай-ақ қырғыз халқына бақ-береке тіледі.

Садыр Жапаров сөйлеген сөзінде осы күнді қырғыз-қазақ үшін маңызды күн деп атап өтті.

– Философ, гуманист тұлға, қазақтың ұлы ақыны Абайға Бішкек қаласында қойылған ескерткіштің ашылуымен баршаңызды құттықтаймын. Екі елге ортақ тұлғаға дипломатиямыздың 30 жылдығы қарсаңында құрмет көрсетіліп отырғаны – ерекше оқиға. Жазда жайлауы, қыста қыстауы қоңсы қонған екі халықтың рухани әлемінің жақындығын Абай мен Тоқтоғұлдың, Мұхтар мен Шыңғыстың мұралары көрсетіп келеді. Абайдың 175 жылдығы кезінде Ұлттық кітапханадан арнайы мәдени бұрыш ашылғанын да еске салғым келеді. Біздің бауырлас қазақ халқымен достығымыз барлық салада дами беретініне сенемін, – деді Қырғызстан Президенті.

 

Бұдан кейін Мемлекет басшысы Қасым-Жомарт Тоқаев ескерткіштің ашылуына жиналған екі елдің зиялы қауым өкілдерімен кездесіп, пікір алмасты.

 

 

Кері қайту Кері қайту

 

kaynak:https://akorda.kz/kz/kazakstan-prezidenti-bishkekte-abay-eskertkishinin-ashylu-rasimine-katysty-264452

 

 

 

]]> Қазақстан Президенті Жапонияның Сыртқы істер министрін қабылдады https://sunucugazetesi.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b6%d0%b0%d0%bf%d0%be%d0%bd%d0%b8%d1%8f%d0%bd%d1%8b%d2%a3-%d1%81%d1%8b%d1%80-h29179.html Sat, 30 Apr 2022 08:11:46 +0000 https://1453kralmedya.com/%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd-%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82%d1%96-%d0%b6%d0%b0%d0%bf%d0%be%d0%bd%d0%b8%d1%8f%d0%bd%d1%8b%d2%a3-%d1%81%d1%8b%d1%80-h29179.html

Жаңалықтар
Ақорда
Қазақстан Президенті Жапонияның Сыртқы істер министрін қабылдады

2022 жылғы
Қасым-Жомарт Тоқаев Қазақстан астанасына ресми сапармен келген Жапонияның Сыртқы істер министрі Ёшимаса Хаяшиді қабылдады.

Кездесуде Қазақстан мен Жапония арасындағы сауда-экономикалық, инвестициялық және мәдени-гуманитарлық салалардағы кеңейтілген стратегиялық серіктестіктің жай-күйі мен даму перспективалары, сондай-ақ халықаралық құрылымдар аясындағы өзара іс-қимыл мәселелері талқыланды.

 

Қасым-Жомарт Тоқаев Ёшимаса Хаяшиге ілтипат білдіріп, екіжақты байланыстарды одан әрі ілгерілету үшін оның бұл сапарының мәні зор екенін атап өтті.

– Жапония – еліміз үшін достас мемлекет. Біз екіжақты қатынастарды жоғары бағалаймыз. Биыл екі ел арасындағы қатынастардың 30 жылдығын атап өтеміз. Бұл – тарихи белес. Осы кезең ішінде конструктивті ынтымақтастық орнаттық, стратегиялық серіктестікті кеңейттік. Бұл өзара атқарған жұмыстың оң нәтижесі, – деді Қасым-Жомарт Тоқаев.

Қазақстан мен Жапония арасындағы ынтымақтастықта экономикалық қатынастар маңызды рөл атқарады. Президент сауда және инвестициялық ықпалдастықтың әлеуеті зор екеніне назар аударды. Мемлекет басшысы Жапониямен арадағы көпжақты экономикалық байланыстарды күшейтуге ниетті екенін айтты. Бұдан бөлек екі елдің БҰҰ аясындағы табысты ықпалдастығын, сондай-ақ мәдени-гуманитарлық саладағы мүмкіндіктерін жоғары бағалады.

Қасым-Жомарт Тоқаев Жапонияның Премьер-министрі Фумио Кишиданы қолайлы уақытта Қазақстанға сапармен келуге шақырғанын нақтылады. Мемлекет басшысының пікірінше, жоғары деңгейдегі кездесулерді ұйымдастыру үшін Қазақстан мен Жапония арасындағы ынтымақтастықтың қазіргі ахуалы мен әлеуетінің берік негізі бар.

 

Өз кезегінде Ёшимаса Хаяши кездесуге мүмкіндік бергені үшін Қасым-Жомарт Тоқаевқа алғыс айтты. Министр Жапония Үкіметінің Қазақстанмен сауда-экономикалық және инвестиция салалары бойынша өзара тиімді серіктестікті кеңейтуге дайын екенін жеткізді. Сондай-ақ Орталық Азия елдерінің ішінде Қазақстанда жапон компаниялары көп екенін атап өтті.

Ёшимаса Хаяши Қасым-Жомарт Тоқаевтың басшылығымен жүзеге асырылып жатқан ауқымды реформаларды қолдады және Қазақстанның ауған халқына гуманитарлық көмек көрсету жөніндегі күш-жігеріне жоғары баға берді.

Бұдан бөлек әңгімелесу барысында халықаралық және өңірлік күн тәртібіндегі өзекті мәселелер талқыланды. «Орталық Азия – Жапония» форматындағы диалогты одан әрі дамытудың маңызды екені атап өтілді.

 

 

Кері қайту Кері қайту

kaynak:https://www.akorda.kz/kz/kazakstan-prezidenti-zhaponiyanyn-syrtky-ister-ministrin-kabyldady-2933152

 

 

 

 

]]>