Azərbaycanın dostları Xocalıya ədalət tələb ediblər:
Tel-Əvivdəki Dağ Yəhudiləri Sinaqoqunun baş ravvini Şmuel Simantov bilirib ki, Holokost kimi dəhşəti yaşamış yəhudi xalqı Xocalı faciəsinə də səssiz qalmır:
🇮🇱
📌 https://t.co/D7xyA21NlE#JusticeforKhojaly pic.twitter.com/NKhTD6pcsc
— Azerbaijani Diaspora (@DiasporaAz) February 27, 2023
Azərbaycanın dostları Vyanada dünya birliyindən Xocalıya ədalət tələb ediblər
27 fevral, 2023
Azərbaycanın dostları Vyanada dünya birliyindən Xocalıya ədalət tələb ediblər
Fevralın 26-da Avstriyanın paytaxtı Vyanada Xocalı soyqırımının 31-ci ildönümü münasibətilə keçirilən dinc aksiyada ölkəmizə dost münasibəti bəsləyən əcnəbi ekspertlər, ictimai-siyasi və din xadimləri də iştirak ediblər.
Azərbaycanın dostları müasir dövrümüzdə misli görünməmiş amansızlıqla və qəddarlıqla bu hərbi cinayəti törədən erməni cəlladlarını və havadarlarını qətiyyətlə pisləyib, Azərbaycan diasporunun erməni cinayətkarlarının ədalət məhkəməsi qarşısına çıxarılmasını tələbini birmənalı şəkildə dəstədiklərini bəyan ediblər.
Tel-Əvivdəki Dağ Yəhudiləri Sinaqoqunun baş ravvini Şmuel Simantov bilirib ki, Holokost kimi dəhşəti yaşamış yəhudi xalqı Xocalı faciəsinə də səssiz qalmır: “Təəssüf ki, Xocalı qətliamını törədənlər hələ də ədalət qarşısında cavab verməyib, layiq olduqları cəzanı almayıblar. Holokost kimi bir dəhşəti yaşamış yəhudi xalqı dünyadakı hər bir insanın acısına, o cümlədən Xocalıya da səssiz qalmayacaq”.
Xocalı soyqırımını cəhənnəmə bənzədən litvalı hərbi jurnalist Riçardas Lapaitis dinc və günahsız insanların xüsusi vəhşiliklə öldürüldüyünə şahid olduğunu söyləyib: “1992-ci il fevralın 26-sı təkcə Xocalının sağ qalan sakinlərinin deyil, bütün azərbaycanlıların həyatını və dünyagörüşünü kökündən dəyişdi. Faciədən sonrakı ilk günləri cəhənnəm kimi xatırlayıram. Mən insanların, o cümlədən qadınların, qocaların və uşaqların xüsusi vəhşiliklə öldürüldüyünü görmüşəm. Ən dəhşətlisi Xocalıdan sağ çıxanların gözlərinin içinə baxmaq idi”.
Neapol-Bakı Assosiasiyasının prezidenti Cüzeppe Kanilyo qocaman Avropanı insanlığa zidd cinayətə biganə qalmaqda ittiham edib: “Xocalı qətliamı insanlığa qarşı cinayətdir. Uşaqların müdafiəsi, tərbiyəsi və təhsilinə bu qədər diqqət yetirən Avropa Xocalıda vəhşicəsinə qətlə yetirilən uşaqların, həmçinin valideynlərinin işgəncə ilə öldürülməsinə şahid olmuş uşaqların taleyinə biganə qalıb”.
Dünya şöhərtli Azərbaycan əsilli fotoqraf Reza Deqati Xocalı faciəsi zamanı çəkdiyi fotolardan və şahidi olduğu hadisələrdən danışıb. O, həmin ağrılı və acılı günlərin indi də gözünün önündə olduğunu söyləyib. Fotoqraf Xocalıda və digər yerlərdə çəkdiyi şəkillərlə bağlı həqiqətləri dünyaya çatdırmağa çalışdığını vurğulayıb.
Britaniyalı jurnalist Neil Vatson bəşəriyyəti Xocalı qoyqırımı qurbanlarını unutmamağa çağırıb və Azərbaycanın Qarabağ üzərində tam nəzarətini bərpa etməsinin bu ağrını yaşayan xalqımıza ən yaxşı təsəlli olacağını vurğulayıb: “Bəşəriyyət Xocalı soyqırımının qurbanlarını heç vaxt unutmaz və onları heç nə həyata qaytara bilməz. Lakin Azərbaycanın Qarabağ üzərində nəzarətini bərpa etməsi, Cənubi Qafqazda daimi sülh müqaviləsinin əldə edilməsi, köçkün düşmüş bütün azərbaycanlıların geri qayıtması hamının ən yaxşı təsəllisi olar”.
“Dona Gracia” Diplomatiya Mərkəzinin baş direktoru Reyçel Avraham indiyədək BMT-nin Ermənistana qarşı sanksiyalar tətbiq etmədiyini diqqətə çatdırıb: “Bu gün Azərbaycan xalqı Xocalı soyqırımı qurbanlarını yad edir. Ermənistanın BMT Təhlükəsizlik Şurasının 4 qətnaməsinin tələblərinə əməl etməməsinə baxmayaraq, BMT tərəfindən heç bir sanksiyaya məruz qalmamasını təəssüflə xatırlayırıq”.
Hollandiyalı yazıçı, naşir Henri Van Rens işğaldan azad edilmiş Qarabağda erməni qəsbkarlarının törətdiyi cinayətlərə şahid olduğunu söyləyib: “Bir neçə dəfə Qarabağda olmuşam, orada erməni işğalçılarının və sovet hərbiçilərinin törətdikləri cinayətlər haqqında kitab yazmağa qərar vermişdim və hazırda Qarabağla bağlı bir kitab üzərində işləyirəm”.
İsveçli fotoqraf Mikael Silkelberg ölkəmizin hər zaman beynəlxalq hüquq normaları çərçivəsində hərəkət etdiyini bildirib: “Azərbaycan beynəlxalq hüquq normaları çərçivəsində öz torpaqlarını işğalçı Ermənistanın təcavüzündən xilas etmək üçün 30 ilə yaxın diplomatik danışıqlara və beynəlxalq hüququn gücünə arxalanıb. Lakin son nəticədə o, beynəlxalq hüquq normalarını və BMT Təhlükəsizlik Şurasının qətnamələrini özü təkbaşına həyata keçirməli oldu”.
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/azerbaycanin-dostlari-vyanada-dunya-birliyinden-xocaliya-edalet-teleb-edibler-2449
Azərbaycanın dostları Xocalıya ədalət tələb ediblər:
Tel-Əvivdəki Dağ Yəhudiləri Sinaqoqunun baş ravvini Şmuel Simantov bilirib ki, Holokost kimi dəhşəti yaşamış yəhudi xalqı Xocalı faciəsinə də səssiz qalmır:
🇮🇱
📌 https://t.co/D7xyA21NlE#JusticeforKhojaly pic.twitter.com/NKhTD6pcsc
— Azerbaijani Diaspora (@DiasporaAz) February 27, 2023
